NAVSA PISEIKIANA 4
?Nasa e Paki Lina Ragi Waina Ero Dakidorogo Satana?
Adam ma Iv, ero da dogo parati ki Sup̃e pei nalakena ero mate. Genesis 3:6, 23
Iv e dogo parati ki m̃aata, po gani nawani nakau wanogoe, go e dua Adam nawani nakau, go e po gania.
Namariana waina ero maria, e da leana. Ero mari namarinaleosana dip̃a Sup̃e. Go Sup̃e e kopasi luara Paradaes.
Namauriana adeada go natura maga te kasua. Ero matua po mate. Waina ero mate, ero da paki tokora seara. Namauriana adeada te nopu.
Tea mate maga eu moro liliu paki natano go eu marisa mari navatuna seara. Genesis 3:19
Adam ma Iv, ero da dogo parati ki, pei nalakena naatam̃oli maga eu do mate. Te mate maga eu marisa leo, eu marisa takidorogo, go eu marisa mari navatuna seara.—Tea Tapavanau 9:5, 10.
Yehovah e da masau naga naatam̃oli maga euga mate. Ega da pei tuai, Yehovah ega wo mari tea mate maga euga mauri. Go tea dogo parati ki maga euga wo peani namauriana waina e du mau du.
