NAVSA PISEIKIANA 8
?Namateana Ki Yesu e Silae Ko Dapale Sava?
Yesu e manigida mate naga tuga veani namauriana. Yoane 3:16
Yesu e mate naletia dolu sua, go nagoroi seara eu po paki matigo aneana, ma eu da punisi nap̃atokona. Yehovah e moro maria e mauri.
Go Yesu e pakilina ki tea vasapiseiki aneana maga.
Epei lomau, Yehovah e mari Yesu e moro mauri, dapala natana waina e peani nakasuana warua, go e mari sa moro mate teragi. Go naatam̃oli aneana maga, eu punusi waina e moro sake paki nakoroatelagi.
Sup̃e e mari Yesu e moro mauri, po lawokinia naga ega vei nawota ni Namarakiana aneana. Daniel 7:13, 14
Yesu e pituaki namauriana aneana po daulua gida m̃elu duaki namarinaleosana. (Mataio 20:28) Naviriana ki Yesu e pei napua waina Sup̃e e dua gida asa, naga tuga veani namauriana waina e du mau du.
Yehovah e lawo ki Yesu e pei nawota, naga ega maraki nakoroatelagi. Go e peani naatam̃oli maga eu pei 144,000, waina eu ga wo maramara sikoti Yesu. Naatam̃oli maga wanogoe eu doko maramana, eu lawodu kasua doko Sup̃e pa pa eu mate. Sup̃e e marira eu moro mauri doko nakoroatelagi. Namarakiana ki Sup̃e waina e doko nakoroatelagi ega wo maramara umai paki maramana. Go ega wo maramara pae napua leana sikai.—Apokalupesi 14:1-3.
Namarakiana ki Sup̃e ega wo mari maramana ega vei paradaes. Doko ragi wanogoe, navakalo, tea da dogo parati ki nawotaeana maga, tea vitolo maga, go tea tika maga euga wo dika. Naatam̃oli maumau puti euga wo peani nalaelaeana. —Salamo 145:16.
