NAVSA PISEIKIANA 3
?Namauriana Ni Paradaes e Dapale Sava?
Yehovah e dua Adam ma Iv naleo wia laapa. Genesis 1:28
Yehovah e mari nagoroi vea Iv, po piragia umai paki Adam naga e ga vei nagoroi aneana.—Genesis 2:21, 22.
Yehovah e mari namidodoana go nap̃atokora e leana usuraki. E da peani navatuna seara waina e sa ara.
Ero doko roara ni Iden. Tokora wanogoe e pei tokora wia sikai, e pei Paradaes. Tokora wanogoe e peani noaisara maga, nawatikau maga, go lomauri maga e doko asa.
Yehovah e do pasa gida, go e do pasa pisei gida. Waina ero pe takidorogo asa, ero ga wo peani namauriana wia doko Paradaes maramana waia.
Sup̃e e naga e peani nakau sikai m̃oli waina ero ga da gani nawana. Genesis 2:16, 17
Roara wanogeo e peani nawatikau sikai waina Yehovah e piseiki Adam ma Iv asa naga ero ga da gani nawana, e naoa gida asa naga waina ero ga kania, ero ga mate.
Agelo sa sikai e mari dip̃a Sup̃e, nagisana e pei Satana.
Satana e da masau naga Adam ma Iv ero ga dogo parati ki Yehovah, pei nalakena e suaki m̃aata sikai, naga ega noa ki Iv asa naga ega kani nawatikau wanogoe. E sorora naga waina ero ga kani nawani nakau wanogoe ero ga marisa mate, ma ero ga dakiusi Sup̃e. —Genesis 3:1-5.
