Tusi Tapu e noa sara naleo laapa waina ega wo pakilina masoso. E naga, naatam̃oli maga euga wo masau p̃arua ki m̃ane, piakirikiri maga euga da dogo parati ki mama go teete adeada maga, go nataam̃oli maga euga wo mari p̃aragoto, euga wo masau p̃arua ki nawarowaroana ni maramana.

Ega wo peani naruru warua, navakalo, namasakiana kasua, navitoloana. Go lori ki maga wanogoe e do pakilina masoso.

Go Yesu e naga, narogorogoana wia ni Namarakiana aneana ega wo pae sara tokora ni maramana.—Mataio 24:14.

Ega da pei tuai, Yehovah ega wo mari saki naatam̃oli sa maga.

Satana go angelo sa aneana maga euga wo pei tea varatiana.

Tea dogo parati ki Sup̃e euga wo peani namauriana doko maramana vau, waina namariana wia e doko asa, go euga wo da moro mataku. Naatam̃oli maga euga dum̃ada pavatuara go euga wo dum̃ada dodomida.