NAVSA PISEIKIANA 7
?Yesu e Pei Sei?
Yehovah e dip̃aki Yesu umai paki maramana. 1 Yoane 4:9
Waina ku masau mari Yehovah ega laelaea, p̃a takidorogo agelo aneana. Agelo wanogoe e peani nakasuana warua. Yehovah e mari agelo wanogoe tuai, pea ki waina e mari Adam.
Yehovah e doropusi namauriana ki agelo wanogoe, paki nap̃ele ni Meri, natara sikai waina e ko da atae naanoai terangi, go e pisola ki piakiki wanogoe Bethlehem. Nagisana epei Yesu.—Yoane 6:38.
Ragi waina Yesu e doko maramana, e piseiki namariana wia maga ki Sup̃e. E p̃ia ki naatam̃oli maga, go e dodomi ra, go naatam̃oli maga eu laelaea umai punusia. Yesu e midoa kasua ki navasapiseikiana ni nalomauana ki Sup̃e paki naatam̃oli maga.
1 Petero 2:21-24
Yesu e mari mataki naatam̃oli maga, ma naatam̃oli maga eu da mari matakinia.Yesu e mari tea masaki maga eu p̃ia, go tea mate maga eu mauri.
Tea maraki ni nalotuana maga eu karai kita Yesu. Nalakena Yesu e noasai navasapiseikiana sorosoro go namarinaleosana adeada maga.
Tea maraki ni nalotuana maga eu puati tea ni Roma po p̃oka punue Yesu.