‘Sup̃e ega wo kasi lua sara naririmata m̃elu dua ki namatada maga; go namateana ega wo da moro doko mau; go nasusueana, go natagiana, go navitiniana, euga wo da moro doko mau.’​—Apokalupesi 21:​3, 4.

Ku midoaki atae naga eda pei Sup̃e waina e mari gida tu dogokitesa.​—Yakobo 1:⁠13.

Ku ataea naga Sup̃e e dogokitesa waina tu peani narogokitesaana, go tea wanogoe e mariatae dapedakatiko.​—Sekariah 2:⁠8.

Ku peani namidodoana kasua naga ega wo peani ragi sikai waina narogokitesaana anigida maga euga wo dika.​—Salamo 37:​9-11.

Io, raki namidodoana maga waia:

• Sup̃e eda masau naga tuga dogokitesa go eda masau tea maga waina eu do mari dip̃a tea p̃ota maga. P̃a ko p̃a midoakinia. Ragi waina naatam̃oli maga eudo mari dip̃a tea ni Israel maga tuai. Tusi Tapu e noae naga, Sup̃e e dodomira.​—Tea Vasap̃otae Maga 2:⁠18.

  Sup̃e eda laelaea tea maga waina eu do marisaki tea p̃ota. Tusi Tapu e naga Sup̃e eda masau tea maga waina eu do marisaki naatam̃oli wia maga.​—Naluluakia Maga 6:​16, 17.

• Sup̃e e leoparatiki gida. Nigida naatam̃oli maga tu atae nasa maga waina eu do mari gida tu do dogokitesa. Yehovah ma e atae narogokitesana maga wanogoe.​—2 Kronikel 6:​29, 30.

  Ega ta pei tuai, namarakiana ki Yehovah ega wo dapelua narogokitesana maga waina eu do marigida tu do dogokitesa. (Mataio 6:​9, 10) Pa pa paki ragi wanogoe nae e do silae tea maga waina eu do laaga asa naga ega marira euga dogokite p̃ia.​—Nawosiana 17:27; 2 Korintho 1:​3, 4.