Gabe tam dabe Jehova, ta sav lol te ira aleñ hahantai be Kea mwa hav doronira tehe.

Jehova mwa hav doron te be tav sura, sage ta mwin butbutui wai, sage tam rav tavugu, i maruwana.

Tamanda mwa hav doron te atatu be mwa wehi bamat atat dolua, i vavine be mwa bamat naturigi lol sibweñi, i aleña be atamwani mwa lai mulei atamwani, sage vavine mwa lai mulei vavine. Kea mwa hav doron te aleña be atatu mwa doron lavoai roso, sage atatu mwa doron bwaloana vataha mahavana.

Ta sav gogonai te nunun vatu, sage nunun gai. Ta sav rorovoga tehe mai vui soñsoño.

Lol taro gabe ureure vi vora Paradaes mulei, ira atutu be ram doron lavoai aleñ hahantai, rasav togo te alolona.

Gabe tam doronia be tav lol Tamanda vi samsamwara, tav ñaitai be tav lol aleñanda vi vora kun aleñana.

Tam seserai sine tabetabe lalai atatu dolua lol taro be tam lol aleñ tavuha lalainira, i tam samsamwara be tamen hogosira.

Ta sav sura tehe, i ta sav dentene tehe.

Gabe tav hag̃o sine hahagavi tagaro, tav binihigaburai vuron atatu dolua.

Tav bului atat dolua be kera mulei rav ilo Jehova mai aleñana.​—Aesea 43:10.