PART 2
Tamanda Be Kea Ha Mwasigi ?Kea Ihei?
Tamanda kea gaituva ñano, be kea mwasigi, i ihana be Jehova. (Eksodas 3:14, ravrav golo) Tamanda kea Vui, aluna gea, gida tasav gita te dumwia. Kea nu dabe tavuhai gida, i vuvuri mwa doronia be gida mulei tav dabea. Kea mwa doron maragai be gida tav dabe ira atatu be ram do dalis gida. (Matiu 22:35-40) Kea nu roroa liu ginau ñoto, i mwa bora bwatun tauva lol ureure.
La bwativuna radui, Tamanda nu lol vingaga muramuraga vwate. Atatu ram ilo vingaga kea la ihana be, Jisas Kraes. I vuvuri Tamanda Jehova, mwa siv lol ira vingaga dodolua mulei.
Jehova nu tari ginau ñoto ram du lol ute amare . . . mai lol ureure. Revelesen 4:11
Tamanda Jehova nu lol ira visiu, mai ureure geki, mai lalañan tauva ñoto be ram do lol ureure.—Jenesis 1:1.
Jehova nu lol muan atatu Adam, nin tano.—Jenesis 2:7.