Libala
Libala ebandaki ndenge nini?
Mokristo asengeli kopona moto ya ndenge nini mpo azala molongani na ye?
Mpo na nini mokristo ya solo asengeli te kondima ete mwana na ye oyo azwá batisimo abala moto oyo amipesá te na Yehova mpe azwá batisimo te?
-
Bandakisa ya Biblia oyo ekoki kosalisa:
-
Eb 24:1-4, 7—Abrahama oyo akómaki mobange, azwaki ekateli ya kozwela mwana na ye Yisaka mwasi kati na basaleli ya Yehova, kasi te kati na Bakanana, baoyo bazalaki kosambela banzambe mosusu
-
Eb 28:1-4—Yisaka ayebisaki mwana na ye Yakobo ete asengeli te kobala mwasi kati na basi ya Kanana, kasi kati ya basaleli ya Yehova
-
Yehova ayokaka ndenge nini soki mosaleli na ye abali moto oyo azali mondimi te?
-
Bandakisa ya Biblia oyo ekoki kosalisa:
-
1Ba 11:1-6, 9-11—Yehova asilikelaki Salomo mpo atosaki te makebisi na ye oyo epekisaki kobala basi bapaya, mpe mpo atikaki bango bábenda motema na ye
-
Ne 13:23-27—Ndenge moko na Yehova, Nehemia asilikaki makasi ntango mibali ya Yisraele babalaki basi bapaya oyo bazalaki kosalela Yehova te, apesaki bango disiplini mpe asembolaki bango
-
Mpo na nini ezali likambo ya bwanya kopona molongani oyo asalelaka Yehova na bosembo mpe azali na lokumu malamu?
Talá mpe Ef 5:28-31, 33
-
Bandakisa ya Biblia oyo ekoki kosalisa:
-
1Sa 25:2, 3, 14-17—Nabale azalaki na bozwi mingi, kasi azalaki makambo makasi mpe mabe. Azalaki mobali mabe mpo na Abigaile
-
Mas 21:9—Kopona molongani oyo abongi te ekoki kosilisa biso esengo mpe kolongola kimya na libala
-
Ro 7:2—Ntoma Paulo amonisaki ete ntango mwasi abali, akómaka na nse ya bokonzi ya mobali oyo azangi kokoka; yango wana, mwasi ya bwanya aponaka malamu molongani na ye
-
Komibongisa mpo na libala
Liboso ya kokanisa kobala, mpo na nini mobali asengeli komindimisa ete akokokisa bamposa ya libota na ye?
-
Bandakisa ya Biblia oyo ekoki kosalisa:
-
Mas 24:27—Liboso mobali abala mpe ntango mosusu abota bana, asengeli kosala mosala makasi mpo akokisa bamposa ya libota
-
Mpo na nini bato mibale oyo bazali kotalelana mpo na libala basengeli koluka batoli ya bwanya mpe koluka koyebana malamu na esika ya kotala kaka kitoko ya nzoto?
-
Bandakisa ya Biblia oyo ekoki kosalisa:
-
Rt 2:4-7, 10-12—Boaze ayekolaki koyeba Ruta ntango azalaki kotala mosala azalaki kosala, lokumu malamu oyo azalaki na yango, ndenge azalaki kotyela Naomi likebi mpe kolinga Yehova
-
Rt 2:8, 9, 20—Ruta ayekolaki koyeba Boaze ntango azalaki komona boboto na ye, ezaleli na ye ya kokaba, mpe ndenge azalaki kolinga Yehova
-
Mpo na nini Yehova asɛngaka ete bato oyo balingi kobalana bábatela etamboli ya pɛto ntango bazali kotalelana mpo na libala?
-
Bandakisa ya Biblia oyo ekoki kosalisa:
-
Mas 5:18, 19—Lolenge mosusu ya komoniselana lolango esengeli kosalema kaka epai ya bato oyo babalá
-
Loy 1:2; 2:6—Ntango bazalaki kotalelana mpo na libala, mobateli ya mpate ná elenge Moshulame bamoniselanaki bolingo na ndenge ya pɛto, kasi te na ndenge ya mbindo
-
Loy 4:12; 8:8-10—Elenge mwasi Moshulame atikalaki pɛto mpe amonisaki komipekisa; azalaki lokola elanga oyo ezali na kati ya lopango oyo ekangamá
-
Mpo na nini mwasi ná mobali basengeli kobalana na kolanda mibeko ya mboka?
Mokumba ya mobali
Mokumba nini Yehova apesi mobali?
Mobali mokristo asengeli komekola ndakisa ya nani ntango azali kosalela bokonzi na ye?
Mpo na nini mobali asengeli komonisa ete alingaka mwasi na ye, atyaka likebi na bamposa mpe mayoki na ye?
-
Bandakisa ya Biblia oyo ekoki kosalisa:
-
Eb 21:8-12—Yehova asɛngaki Abrahama ayokela mwasi na ye, Sara, atako makanisi ya Sara esepelisaki Abrahama te
-
Mas 31:10, 11, 16, 28—Mobali ya bwanya ya mwasi ya malonga, ndenge bavɛrsɛ yango emonisi, akonzaka te mpe alukaka te kaka mabunga ya mwasi na ye; kutu atyelaka ye motema mpe akumisaka ye
-
Ef 5:33—Ntoma Paulo amonisaki ete mwasi azalaka na mposa ya koyeba ete mobali na ye alingaka ye
-
Mokumba ya mwasi
Mokumba nini ya ntina Yehova apesi basi bakristo?
Mokumba ya mwasi na libala ezali na ntina te?
-
Bandakisa ya Biblia oyo ekoki kosalisa:
-
Mas 1:8; 1Ko 7:4—Nzambe apesi basi mpe bamama mwa bokonzi na kati ya libota
-
1Ko 11:3—Ntoma Paulo amonisaki ete Yehova abongisaki ete biso nyonso tózala na nse ya mwa bokonzi, longola kaka ye moko Nzambe Mozwi-ya-Nguya-Nyonso
-
Ebr 13:7, 17—Na kati ya lisangá, mibali ná basi batambwisamaka mpe batosaka baoyo baponami mpo na kotambwisa makambo
-
Ndenge nini mwasi mokristo oyo mobali na ye azali mondimi te akoki kosepelisa Yehova?
Mpo na nini mwasi mokristo asengeli komonisa limemya epai ya mobali na ye?
-
Bandakisa ya Biblia oyo ekoki kosalisa:
-
Eb 18:12; 1Pe 3:5, 6—Sara azalaki kopesa mobali na ye limemya mozindo, azalaki kotalela ye lokola “nkolo,” to mokonzi oyo Nzambe atye
-
Biblia ekumisi mwasi ya ndenge nini?
-
Bandakisa ya Biblia oyo ekoki kosalisa:
-
Eb 24:62-67—Rebeka asalisaki mobali na ye Yisaka azwa libɔndisi nsima ya liwa ya mama na ye
-
1Sa 25:14-24, 32-38—Abigaile abatelaki mobali na ye ya zoba mpe abikisaki bato ya ndako na ye ndenge amikitisaki liboso ya Davidi
-
Est 4:6-17; 5:1-8; 7:1-6; 8:3-6—Estere mwasi ya mokonzi atyaki bomoi na ye na likama mbala mibale na ndenge akendaki komona mobali na ye, mokonzi, mpo na kosɛnga ye ete abatela bato ya Nzambe, atako mokonzi abengisaki ye te
-
Kosilisa mikakatano
Mitinda nini ekoki kosalisa mwasi ná mobali básilisa mikakatano na libala?
Mitinda nini ekoki kosalisa babalani bázala na bokatikati na likambo etali mbongo?
Lk 12:15; Flp 4:5; 1Ti 6:9, 10; Ebr 13:5
Talá mpe “mbongo”
Mitinda nini ekoki kosalisa babalani báyokana ndenge ya kosala mpo na bandeko ya libota, babokilo to basɛmeki?
Mitinda nini ekoki kosalisa mwasi ná mobali na makambo etali kosangisa nzoto?
Mpo na nini ezali na ntina babalani bátyaka likebi na bizaleli ya malamu ya moninga na esika ya kotya likebi na bolɛmbu?
Mpo na nini eleki malamu kosilisa matata noki mpe na bolingo na esika ya kobomba nkanda ntango molai?
Mpo na nini bakristo basengeli te kozala na nkanda makasi, koganga, kobimisa maloba mabe mpe kobɛta ata ya ndenge nini?
Ntango matata ebimi, mwasi ná mobali basengeli kozala na mokano ya kosala nini?
Mapamboli nini emonanaka na libala soki Yehova azali na esika ya liboso?
Mibeko ya Nzambe mpo na libala
Biblia elobi nini na likambo etali kosangisa nzoto mpe libala?
Ndenge nini bakristo basengeli kotalela kobala basi ebele?
Ndenge nini toyebi ete kaka mwasi ná mobali nde basengeli kobalana?
Mpo na nini mwasi ná mobali oyo babalani basengeli te kokabwana?
Wapi ntina kaka moko oyo Biblia epesi bakristo nzela ya koboma libala?
Ndenge nini Yehova atalelaka koboma libala mpo na bantina oyo ebongi te?
Mokristo oyo molongani na ye akufi, akoki kobala lisusu?
Talá mpe...
LAMUKÁ!
Libota ya esengo—Kosala na bomoko
Na libala na bino, bofandaka lokola babalani to lokola bato mibale oyo bafandi na shambre moko?
LIBALA MPE LIBOTA
Ndenge ya komonisa ete olingaka molongani na yo
Ndenge nini balongani bakoki komonisa ete batyelanaka mpenza likebi? Talá toli minei oyo euti na mitinda ya Biblia.
MITUNA OYO BILENGE BATUNAKA
Nakoki mpo na kolingana na moto?
Makambo mitano oyo ekosalisa yo oyeba soki osengeli kobanda kolingana na moto mpe kobala.
LINƆ́NGI YA MOSƐNZƐLI
Mibali—Bósala ete ndako na bino ezala esika ya libateli
Libota ekoki kokelela na mbongo te, kasi kozanga libateli oyo eleki ntina.
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
