Eteni oyo ekolobela masolo oyo ezali na Makomami ya Grɛki ya bokristo. Yesu abotamaki na libota ya bozwi te, libota yango ezalaki kofanda na mwa mboka moko ya moke. Tata na ye azalaki mosali-mabaya mpe bazalaki kosala elongo. Kasi Yesu nde asengelaki kobikisa bato ya mokili. Yehova aponaki ye azala Mokonzi na Bokonzi ya likoló. Soki ozali moboti, salisá mwana na yo amona ndenge Yehova aponaki na likebi libota oyo Yesu akobotama mpe akokola. Talá ndenge Yehova abatelaki Yesu mpo Erode aboma ye te, mpe ndenge oyo eloko moko te ekoki kopekisa kokokisama ya mokano ya Yehova. Talá ndenge Yehova apesaki Yoane mokumba ya kobongisela Yesu nzela. Bendá likebi ya mwana ete, ata ntango Yesu azalaki mwana moke, alingaki bwanya ya Yehova.