ETENI 4
Bayokelaki Satana—Makambo nini emonani?
Adama ná Eva batosaki Nzambe te, yango wana bakufaki. Ebandeli 3:6, 23
Eva ayokelaki nyoka mpe alyaki mbuma. Na nsima, apesaki yango Adama, ye mpe alyaki.
Likambo oyo basalaki ezalaki mabe—ezalaki lisumu. Nzambe abenganaki bango na Paradiso, esika oyo bazalaki kofanda.
Bomoi ekómaki mpasi mpo na bango mpe bana na bango. Banunaki mpe bakufaki. Bakendeki te na mokili ya bilimo; bazalaki lisusu te.
Ndenge moko na putulu, bato oyo bakufá bazalaka lisusu na bomoi te. Ebandeli 3:19
Tokufaka mpo biso nyonso tozali bana ya Adama ná Eva. Bakufi bakoki komona te, koyoka te to kosala likambo moko te.—Mosakoli 9:5, 10.
Yehova akanaki te ete bato bákufaka. Mosika te, akozongisa na bomoi bato oyo bakufá. Soki bayokeli ye, bakozala na bomoi libela na libela.
Talá mpe...
MATEYA MPENZA YA BIBLIA
Moto akómaka ndenge nini soki akufi?
Biblia elobeli ntango oyo bato mingi bakosekwa kaka ndenge Lazare asekwaki.
MATEYA MPENZA YA BIBLIA
Mpo na nini Nzambe atiki nzela na bampasi?
Bato mingi batunaka ntina oyo mokili etondi na koyinana mpe bampasi. Biblia epesi eyano ya malamu mpe ya kolendisa.
