Maloba ya ebandeli
Nzambe azali lokola tata ya bolingo. 1 Petro 5:6, 7
Nzambe azali Mozalisi na biso, mpe amibanzabanzaka mpo na biso. Ndenge kaka tata ya bwanya mpe oyo alingaka bana na ye ateyaka bango, Nzambe mpe azali koteya bato bisika nyonso lolenge eleki malamu ya kozala na bomoi.
Nzambe amonisi mateya ya malamu oyo epesaka biso esengo mpe elikya.
Soki oyoki Nzambe, akotambwisa yo mpe akobatela yo mpe akosalisa yo olonga mikakatano.
Kasi esuki kaka wana te—okozala na bomoi ya seko!
Nzambe alobi na biso ‘bóya epai na ngai. Bóyoka, mpe bótikala na bomoi.’ Yisaya 55:3
Talá mpe...
MATEYA MPENZA YA BIBLIA
Nzambe azali na nkombo?
Nzambe azali na batitre ebele, na ndakisa Tata, Mozalisi, mpe Nkolo. Kasi nkombo ya Nzambe etángami mbala soki 7 000 na Biblia.
