ETENI 10
Mapamboli nini ezali kozela baoyo bayokaka Nzambe?
Bato mingi oyo bakufá bakosekwa awa na mabele. Misala 24:15
Kanisá mapamboli oyo okozwa soki ozali koyoka Yehova! Okozala na nzoto ya kokoka—moto moko te akozala na maladi to akozala ebɔsɔnɔ. Bato mabe bakozala te, mpe okotyela moto nyonso motema.
Mpasi, mawa, to kolela ekozala te. Moto moko te akokóma mobange mpe akokufa.
Okozala elongo na baninga mpe bandeko. Bomoi na Paradiso ekozala mpenza esengo.
Kobanga ekozala te. Bato bakozala mpenza na esengo.
Bokonzi ya Nzambe ekosilisa bampasi nyonso. Emoniseli 21:3, 4
Talá mpe...
MATEYA MPENZA YA BIBLIA
Bokonzi ya Nzambe ezali nini?
Ntango Yesu azalaki awa na mabele, ateyaki makambo etali Bokonzi ya Nzambe koleka makambo mosusu nyonso.
OLINGI KOYEBA BISO?
Mpo na nini koyekola Biblia?—Mobimba na yango
Biblia epesi biyano na mituna minene oyo etali bomoi oyo bamilio ya bato na mokili mobimba bamitunaka. Okosepela kozala moko ya bato yango?
BABUKU MPE MWA BABUKU
Okanisaka ete bomoi ekozala ndenge nini na mikolo ezali koya?
Luká koyeba ntina mibale oyo ekotinda yo ondima makambo Biblia elobi ete mikolo ezali koya ekozala malamu.
