ELOBELI TITRE YA EZIPELI | OZALI NA BOKONZI LIKOLÓ YA BOMOI NA YO?
Okoki kozala na bokonzi likoló ya bomoi na yo?
LELO oyo, moto moko te akanaka kokutana na makambo oyo akutanaka na yango. Mbala mingi, sekele ya kozala na bokonzi likoló ya makambo oyo tokutanaka na yango ezali ya kondima makambo yango mpe kosala nyonso oyo tokoki na kotalela bandelo oyo yango etyeli biso. Soki ozali na likoki ya kozala na mwa bokonzi likoló ya bomoi na yo atako okutani na makambo oyo olingaki te, ezali malamu. Soki nsukansuka makambo yango ebongi, yango ezali malamu mingi. Kasi, makambo ya malamu koleka ezali mpo na mikolo ezali koya.
Biblia elobeli ntango oyo bato nyonso bakomitungisa lisusu te mpo na bomoi na bango. Bakozala mpenza na likoki ya kosalela makoki na bango nyonso, makambo ya kobangisa bango, mitungisi ya mokolo na mokolo ekozala lisusu te mpe bakomiyoka mabe lisusu te. (Yisaya 65:21, 22) Biblia elobeli yango lokola “bomoi ya solosolo.”—1 Timote 6:19.
“Bakotonga bandako mpe bakofanda kuna; mpe ya solo, bakolona bilanga ya vinyo mpe bakolya mbuma na yango. Bakotonga mpo moto mosusu afandaka kuna te; bakolona mpo moto mosusu alya te. Mpo mikolo ya bato na ngai ekozala lokola mikolo ya nzete; mpe bato oyo naponi bakozwa mpenza litomba na mosala ya mabɔkɔ na bango.”—Yisaya 65:21, 22.
Talá mpe...
LAMUKÁ!
Bomoi ezangi mpasi—Elikya ya solosolo
Biblia elaki ete mosika te makama nyonso ekosila mpo na libela.
OLINGI KOYEBA BISO?
Mpo na nini koyekola Biblia?—Mobimba na yango
Biblia epesi biyano na mituna minene oyo etali bomoi oyo bamilio ya bato na mokili mobimba bamitunaka. Okosepela kozala moko ya bato yango?
