Ndenge moko na mitindo ya banyama oyo emonanaka lisusu mpenza te, limemya mpe ekómá komonana na mpasi, mpe soki moto moko azali komonisa limemya, yango ekómá kokamwisa bato.

Na ndakisa, bato mingi bamonisaka limemya te epai ya baboti na bango, mikóló, bapolisi, bakonzi ya mosala, to balakisi. Lisusu na ba-réseaux sociaux, bato bazali kosalela mingi maloba ya nsɔni. Na kotalela lisolo moko oyo ebimaki na zulunalo Harvard Business Review, kozanga limemya na mokili “ezali komata se komata.” Zulunalo yango ebakisi ete “esali sikoyo bambula mingi [bato bazali] kolobela mingimingi makambo yango.”