Mpo na nini bato mingi bamonaka ete bazali na ntina te?
KOMIZWA NA VALƐRƐ EZALI NA NTINA
Bato oyo bayebaka ete bazali na ntina bazalaka na likoki ya kolonga mikakatano ya bomoi. Balɛmbaka nzoto noki te.
-
Bolukiluki emonisi ete bato oyo bazalaka na makanisi ya malamu te mpo na bango moko, mbala mingi bakutanaka na mitungisi, maladi ya makanisi, mpe balyaka na ndenge oyo ebongi te. Lisusu, mbala mingi balekisaka ndelo na komɛla masanga mpe kosalela badrɔge.
-
Bato oyo bayebaka ete bazali na ntina baboyaka komikokanisa na basusu, yango esalisaka bango báyeba kofanda ná bato mpe básala boninga ya malamu. Kasi, baoyo bamipesaka kilo te mbala mingi balobaka mabe mpo na basusu, likambo oyo ebebisaka boyokani na bango ná basusu.
-
Ata soki akutani na mikakatano, moto oyo amizwaka na valɛrɛ ayebaka kokanga motema; atikaka te ete bolembu na ye epekisa ye akokisa mikano na ye. Nzokande, moto oyo amimonaka ntina te, mbala mingi akómisaka bolembu ata ya moke likambo ya monene. Yango esalaka ete alɛmba nzoto noki.
OYO OKOKI KOSALA
Poná baninga oyo bakoki kosalisa yo. Zaláká ná bato oyo bapesaka basusu limemya, oyo balukaka bolamu na yo, mpe oyo bakosalisa yo okende liboso.
Salisáká basusu. Soki ozali kosalela basusu bolamu na boboto nyonso, ezala na baoyo bakoki kozongisela yo eloko te, okozwa esengo ya solosolo oyo eutaka na kopesa. Okozala na esengo ata soki bato mosusu bazali komona te bolamu oyo osalaki, mpe okomona ete ozali na valɛrɛ.
Salisá bana na yo báyeba ete bazali na ntina. Tikáká bango moko bálonga mikakatano na bango mosusu, soki bazali na makoki ya kosala yango. Yango ekosalisa bana báyekola kolonga mikakatano ya bomoi. Ekosalisa bango mpe báyeba komizwa na valɛrɛ—ezaleli oyo ekosunga bango mingi ntango bakokóma mikóló.
OYO BATATOLI YA YEHOVA BASALAKA
Na programɛ na bango ya makita mpe ya boyekoli ya Biblia, Batatoli ya Yehova basalisaka bato bákóma na bomoi ya malamu mpe báyeba ete bazali na valɛrɛ.
MAKITA NA BISO OYO ESALEMAKA PƆSƆ NYONSO
Na makita na biso, toyokaka badiskur oyo euti na Biblia, oyo mbala mingi esalisaka biso tóyeba nini tosengeli kosala mpo tózala na bomoi oyo ezali na ntina. Moto nyonso akoki koya na makita yango mpe basɛngaka mbongo te. Na ndakisa, na makita na biso okoyekola makambo lokola . . .
-
mpo na nini ozali na ntina na miso ya Nzambe
-
ndenge ya kozala na bomoi oyo ezali na ntina
-
ndenge ya kosala boninga ya malamu mpe oyo eumelaka
Okokutana mpe na baninga ya solosolo oyo ‘batyelanaka likebi.’—1 Bakorinti 12:25, 26.
Mpo na koyeba makambo mosusu oyo etali makita na biso, talá na jw.org video ya mokuse Makambo esalemaka ndenge nini na Ndako ya Bokonzi?
KOYEKOLA BIBLIA NA BATO
Toyekolaka na bato Biblia ofele na nzela ya buku Sepelá na bomoi libela na libela! Buku yango ezali na bavɛrsɛ ya Biblia, makanisi ya polele, mituna ya ntina, bavideo, mpe bililingi ya kitoko. Makambo oyo toyekolaka na bato esalisaka bango bámona ete bomoi ezali na ntina mpe ebongisaka bomoi na bango.
Mpo na komona matomba oyo koyekola Biblia na Batatoli ya Yehova ekomemela yo, talá na jw.org video mokuse Mpo na nini koyekola Biblia?
Talá mpe...
LAMUKÁ!
Ndenge ya komoniselana limemya
Komonisa limemya na libala ezali te likambo ya kosala soki olingi; kasi esengeli nde komonisaka yango. Ndenge nini okoki komonisa ete omemyaka molongani na yo?
BIYANO NA MITUNA YA BIBLIA
Biblia elobi nini na likambo etali komilinga?
Yesu alobaki: “Osengeli kolinga mozalani na yo lokola yo moko.” Alingaki koloba nini?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
