Likanisi mpo na koyekola
Ndenge ya koyeba makambo oyo esembolami na mateya na biso
Ezali mpenza esengo kozala na bomoi na ntango oyo. Yehova azali kongɛngisa mokemoke boyebi na biso ya Biblia na ndenge oyo esalemá naino te. (Dan. 12:4) Atako bongo, ekoki kozala mpasi tóyeba makambo oyo esembolami na boyebi na biso ya mateya ya Biblia. Esika nini tokoki komona bingɛngiseli mpe bandimbola ya mateya ya Biblia?
• Index des publications Watch Tower na motó ya likambo “Compréhension affinées” to “Éclaircissements doctrinaux,” ezali na liste mobimba ya bingɛngiseli ya sika oyo ebimaki na mbula boye to boye. Mpo na kozwa liste ya masolo, komá na esika ya koluka na Watchtower Library to Watchtower MIKANDA OYO EZALI NA INTERNET™ “Éclaircissements doctrinaux” (na kati ya ba guillements).
• Buku ya bolukiluki mpo na Batatoli ya Yehova ezali na liste mokuse ya mitó ya makambo. Kende na “Batatoli ya Yehova,” na nsima “Ndenge totalelaka makambo mpe bindimeli na biso,” mpe na nsima kɔtá na “Kolimbola bindimeli na biso.”
Na boyekoli na yo moko ya Biblia, mpo na nini te ozwa likambo moko oyo euti kosembolama mpe oluka ndimbola na yango ya sika mpe bavɛrsɛ oyo ememi mbongwana wana?
