Elikya nini ezali mpo na bakufi?
Liwa epesaka moto nyonso mpasi. Kasi liwa nde nsuka ya nyonso? Nzambe abosani bakufi? Elikya ezali mpo na bakufi?
TALÁ OYO BIBLIA ELOBI:
NZAMBE ABOSANI BAKUFI TE
“Baoyo nyonso bazali na kati ya malita . . . bakobima.”—Yoane 5:28, 29.
Nzambe abosani bakufi te; baoyo bazali na makanisi na ye bakozonga na bomoi.
LISEKWA EKOZALA NA MABELE
“Lisekwa ekozala, ya bayengebene mpe ya bato oyo bazangi boyengebene.”—Misala 24:15.
Bamiliare ya bato oyo bakufá, bakozonga na bomoi na mabele oyo ekozala na kimya mpe bakokufa lisusu te.
LISEKWA EKOSALEMA MPENZA
“[Nzambe] atángaka motángo ya minzoto; Abengaka yango nyonso na nkombo na yango.”—Nzembo 147:4.
Lokola Nzambe abengaka minzoto na nkombo na yango, akoki mpe kobosana te bato oyo akosekwisa.