Tosambelaka Yehova kaka te elongo na bato ebele na makita na biso mpe na mayangani ya mike mpe ya minene, kasi mpe ntango tozali biso moko to na libota. Talá mwa makambo oyo okoki koyekola yo moko to na losambo na kati ya libota:

• Kobongisa makita. Bokoki mpe kobongisa banzembo mpe kosalisa moto nyonso na libota abongisa eyano.

• Kotánga lisolo moko ya Biblia. Na nsima, bósala liyemi ya likambo oyo lisolo yango elobeli mpe bókoma mateya oyo bozwi.

• Koyekola libondeli moko oyo ezali na Biblia, mpe kolobela ndenge oyo ekoki kosalisa yo obongisa mabondeli na yo.

• Kotala video moko ya jw.org mpe na nsima kolobela yango na basusu to kokoma makambo oyo elobeli.

• Kobongisa mosala ya kosakola, mbala mosusu komekameka ndenge ya kosala.

• Kotala bozalisi mpe komanyola makambo oyo eteyi bino mpo na Yehova. a