MAKAMBO YA KOYEKOLA
Monisá mpiko ata ntango batye yo mbamba
Tángá Yirimia 38:1-13 mpo na komona mpiko oyo mosakoli Yirimia ná mokube Ebede-meleke bamonisaki.
Talelá lisolo mobimba. Ndenge nini Yirimia amonisaki mpiko mpo na kosakola nsango ya Yehova? (Yir. 27:12-14; 28:15-17; 37:6-10) Bato basalaki nini nsima ya koyoka nsango yango?—Yir. 37:15, 16.
Kɔtá na mozindo. Mbamba nini bato batyaki Yirimia? (jr 27-28 par. 20-22) Luká koyeba ndenge mabulu ya mai ezalaki na ntango ya kala. (it-1 483) Mbala mosusu Yirimia amiyokaki ndenge nini ntango azalaki na kati ya libulu ya mai oyo ezalaki na pɔtɔpɔtɔ? Makambo nini ya kobangisa Ebede-meleke asengelaki kolonga?—w12 1/5 31 par. 2-3.
Bimisá mateya. Omituna boye:
-
‘Lisolo yango eteyi ngai nini mpo na ndenge oyo Yehova abatelaka basaleli na ye ya sembo?’ (Nz. 97:10; Yir. 39:15-18)
-
‘Na makambo nini nasengeli komonisa mpiko?’
-
‘Ndenge nini nakoki kokóma lisusu na mpiko mingi mpo na kosala oyo ezali sembo ntango batye ngai mbamba?’ (w11 1/3 30) a
a Mpo na oyo etali makambo ya koyekola, talá “Likanisi mpo na koyekola” na Linɔ́ngi ya Mosɛnzɛli ya 07/2023.
