Basakoli mingi basalelaka JW Library^® mpo na kobongisa makita mpe basepelaka ndenge etindaka bango mbala moko na masolo ya boyekoli ya Linɔ́ngi ya Mosɛnzɛli. Kasi nimero ya boyekoli ya Linɔ́ngi ya Mosɛnzɛli ezalaka mbala mingi na masolo mosusu oyo ezalaka mpe na bilei ya elimo. Ndenge nini okoki kozwa masolo yango mpe kozwela yango matomba ntango ozali kosalela JW Library?

• Na nsuka ya Linɔ́ngi ya Mosɛnzɛli nyonso ya boyekoli, ezali na motó ya likambo ya moke oyo elobi “Makambo mosusu ya kotánga.” Na nse ya motó ya likambo ya moke, finá esika oyo bakomi “Masolo mosusu na nimero oyo.” Zongelá makambo oyo ezali na kati, okomona ndenge masolo ya boyekoli ezali komonana polele mpe ezali na banimero. Finá esika bakomi motó ya likambo ya lisolo mosusu oyo olingi kotánga.

• Na lokasa ya liboso ya JW Library na eteni bakomi “Biloko ya sika batye,” zwá nimero ya sika ya Linɔ́ngi ya Mosɛnzɛli ntango emonani. Fungolá zulunalo oyo outi kozwa mpe luká makambo oyo ezali na kati mpo na komindimisa ete ozwi matomba na masolo nyonso.