Ntango tozali komibongisa mpo na koyekola, mbala mosusu tomitunaka: ‘Likambo nini nakoyekola?’ Kasi, ekozala malamu tókeba ete mposa na biso ezipa biso miso na makambo oyo Yehova azali koteya biso. Ndenge nini tokoki kokoba kozala na makanisi ya malamu ntango tozali koyekola?

Bondelá mpo ozwa bwanya. Sɛngá Yehova bwanya mpo ososola oyo alingi oyekola sikoyo. (Yak. 1:5) Boyá kokangama kaka na boyebi na yo ya kala.—Mas. 3:​5, 6.

Ndimá nguya ya Biblia. “Liloba ya Nzambe ezali na bomoi.” (Ebr. 4:12) Ntango nyonso oyo tozali kotánga Biblia, ekoki koteya biso mpe kosimba motema na biso, kasi ekosala bongo kaka soki tondimi makambo oyo Nzambe azali koteya biso.

Zalá na botɔndi mpo na mateya nyonso ya Yehova. Bilei na ye ya elimo ezali lokola “fɛti moko ya bilei ya kitoko mpenza.” (Yis. 25:6) Koboya te kolya “bilei” oyo okanisi ete okosepela na yango te. Okozwa matomba mingi mpe okosepela mpenza na oyo Nzambe azali kopesa!