1 Yoane 1:1-10
1 Oyo ezalaki banda na ebandeli,+ oyo toyokaki,+ oyo tomonaki na miso na biso,+ oyo totalaki+ na likebi mpe mabɔkɔ na biso esimbaki,+ na oyo etali liloba ya bomoi,+
2 (ɛɛ, bomoi emonisamaki polele,+ mpe tomoni mpe tozali kotatola+ mpe kosakwela bino bomoi ya seko+ oyo ezalaki elongo na Tata mpe emonisamaki na biso,)
3 oyo biso tomonaki mpe toyokaki, tozali mpe kosakwela bino yango,+ mpo bino mpe bósangana na biso.+ Lisusu, lisangá+ yango oyo tosangani ezali elongo na Tata mpe elongo na Mwana na ye Yesu Kristo.+
4 Na yango, tozali kokoma makambo oyo mpo esengo na biso etonda mɛkɛ.+
5 Mpe nsango oyo toyokaki epai na ye mpe oyo tozali kosakwela bino+ yango oyo: ete Nzambe azali pole+ mpe molili ezali ata moke te na bomoko elongo na ye.+
6 Soki tolobi ete: “Tosangani na ye,” nzokande tozali kokoba kotambola na molili,+ tozali kobuka lokuta mpe tozali kolanda solo te.+
7 Nzokande, soki tozali kotambola na pole lokola ye moko azali na kati ya pole,+ tosangani lisangá,+ mpe makila+ ya Yesu Mwana na ye ezali kopɛtola+ biso na lisumu nyonso.+
8 Soki tolobi ete: “Tozali na lisumu te,”+ tozali komikosa+ mpe solo ezali na biso te.
9 Soki toyamboli masumu na biso,+ ye azali sembo mpe moyengebene mpo na kolimbisa biso masumu na biso mpe kopɛtola biso na makambo nyonso ya kozanga boyengebene.+
10 Soki tolobi ete: “Tosali lisumu te,” tozali kokómisa ye moto ya lokuta, mpe liloba na ye ezali na kati na biso te.+
