Masese 29:1-27
29 Moto oyo apamelami mbala na mbala+ kasi azali kokómisa motó na ye makasi*+ akobukana pwasa, mpe kobika ekozala te.+
2 Ntango bayengebene bakómi mingi, bato basepelaka;+ kasi ntango moto mabe azali koyangela, bato bamilelaka.+
3 Moto oyo alingaka bwanya asepelisaka tata na ye,+ kasi ye oyo azali kosala boninga na basi ya ndumba abebisaka biloko ya motuya.+
4 Na bosembo, mokonzi atɛlɛmisaka mboka,+ kasi moto oyo alingá kanyaka akweisaka yango.+
5 Mobali makasi oyo azali kolobela moninga na ye maloba sukali+ azali kotandela matambe na ye monyama.+
6 Na likambo ya kobuka mibeko ya moto mabe motambo ezali,+ kasi ye oyo azali moyengebene agangaka na esengo mpe asepelaka.+
7 Moyengebene ayebi lotomo ya bato oyo bazangá.+ Ye oyo azali moto mabe atalelaka boyebi yango te.+
8 Bato ya maloba ya komikumisa bapelisaka mɔtɔ na sité,+ kasi baoyo bazali na bwanya bazongisaka nkanda nsima.+
9 Moto ya bwanya oyo akɔti kosamba na zoba—ye abulungani mpe lisusu asɛki, mpe kimya ezali te.+
10 Bato oyo balingá kosopa makila bayinaka moto nyonso oyo azangi mbeba;+ nde bato ya kolongobana bazali se koluka molimo ya moto mokomoko.+
11 Zoba abimisaka elimo na ye nyonso, kasi ye oyo azali na bwanya abatelaka yango ezala kimya tii na nsuka.+
12 Ntango moyangeli azali kotya likebi na maloba ya lokuta, baoyo nyonso bazali kosalela ye bakozala mabe.+
13 Moto oyo akelelá mpe moto ya minyoko bakutani;+ kasi Yehova azali kongɛngisa miso na bango nyonso mibale.+
14 Ntango mokonzi azali kosambisa na bosolo+ bato oyo bazangá, kiti na ye ya bokonzi ekopikama makasi mpo na libela.+
15 Fimbo mpe mpamela nde epesaka bwanya;+ kasi mwana oyo batiki asala oyo alingi akoyokisa mama na ye nsɔni.+
16 Ntango bato mabe bakómi mingi, kobuka mibeko ekómaka mingi; kasi baoyo bazali bayengebene bakotala kokwea na bango.+
17 Pesá mwana na yo etumbu mpe akopemisa yo mpe akopesa molimo na yo esengo mingi.+
18 Esika emonaneli ezali te, bato bazalaka na komipekisa te,+ kasi esengo na bato oyo bazali kobatela mobeko.+
19 Mosaleli akomitika te básembola ye na maloba mpamba,+ mpo azali kokanga ntina kasi azali kolanda te.+
20 Omoni moto oyo azali kobimisa maloba na ye mbangumbangu?+ Elikya ezali mingi mpo na moto oyo azali zoba koleka mpo na ye.+
21 Soki moto azali kobondelabondela mosaleli na ye banda bolenge na ye, na mikolo ya nsima na bomoi na ye, akokóma kutu moto oyo azangi botɔndi.
22 Moto oyo alingá kosilika abimisaka kowelana,+ mpe moto nyonso oyo alingá nkɛlɛ abukaka mibeko mingi.+
23 Lolendo ya moto ya mabele ekokitisa ye,+ kasi ye oyo azali na elimo ya komikitisa akozwa nkembo.+
24 Ye oyo azali koyokana na moyibi azali koyina molimo na ye moko.+ Akoki koyoka ndai oyo ekangani na elakeli mabe, kasi azali koyebisa eloko te.+
25 Kolɛnga liboso ya bato, yango nde etyaka motambo,+ kasi ye oyo azali kotyela Yehova motema akobatelama.+
26 Baoyo balukaka elongi ya moyangeli bazali mingi,+ kasi Yehova nde asambisaka moto.+
27 Moto ya kozanga bosembo azali eloko oyo bayengebene bayiná,+ kasi ye oyo azali moto ya kolongobana na nzela na ye azali eloko oyo moto mabe ayiná.+
Maloba na nse
^ Lil., “nkingo makasi.”
