Masese 30:1-33
30 Maloba ya Agure mwana ya Yake, maloba ya kilo.+ Maloba ya mobali makasi epai ya Itiele, epai ya Itiele mpe Ukale.
2 Mpo ngai nazali zoba koleka moto mosusu nyonso,+ mpe nazali na mayele ya bomoto te;+
3 mpe nayekoli bwanya te;+ mpe boyebi ya Oyo Aleki Bosantu, nayebi yango te.+
4 Nani amatá na likoló mpo akita?+ Nani ayanganisá mopɛpɛ+ na tandu ya mabɔkɔ na ye mibale? Nani alíngá mai na elamba?+ Nani atɛlɛmisá bansuka nyonso ya mabele?+ Nkombo+ na ye nani mpe nkombo ya mwana na ye nani, soki oyebi?+
5 Liloba nyonso ya Nzambe ezali pɛto.+ Ye azali nguba mpo na baoyo bazali kozwa ekimelo epai na ye.+
6 Kobakisa eloko te na maloba na ye,+ noki apamela yo, mpe noki omonana moto ya lokuta.+
7 Nasɛngi yo makambo mibale.+ Kopimela ngai yango te liboso nakufa.+
8 Longolá mosika na ngai bokosi mpe liloba ya lokuta.+ Kopesa ngai bobola te, bomɛngo mpe te.+ Tiká nalya bilei oyo esengeli na ngai,+
9 noki natonda mpe nawangana yo+ mpe naloba: “Yehova nde nani?”+ mpe noki nakóma na bobola mpe nayiba mpenza mpe nasambwisa nkombo ya Nzambe na ngai.+
10 Kokosela mosaleli makambo epai ya nkolo na ye te,+ noki alakela yo mabe, mpe noki omema ngambo.+
11 Libota mosusu ya bato balakelaka tata na bango mabe mpe bapambolaka ata mama na bango te.+
12 Libota mosusu ya bato bazali pɛto na miso na bango moko+ kasi basukolá bango nyɛi na bango te.+
13 Libota mosusu ya bato miso na bango ekómi lolendo mpenza! mpe miso na bango oyo ezali kongɛnga etombwani.+
14 Libota mosusu ya bato mino na bango ezali mipanga mpe mikuwa ya mbanga na bango ezali bambeli ya koboma nyama,+ mpo na kolya bato ya mpasi ete básila na mabele mpe mpo babola bálongwa na kati ya bato.+
15 Nsonzo ezalaka na bana basi mibale oyo babelelaka: “Pesá! Pesá!” Ezali na biloko misato oyo etondaka te, minei oyo elobaka te ete: “Ekoki!”
16 Nkunda*+ mpe libumu oyo ekangamá,+ mabele oyo etondaka mai te,+ mpe mɔtɔ+ oyo elobaka te ete: “Ekoki!”+
17 Liso oyo ezali kosɛka tata mpe ezali kotyola botosi epai ya mama+—bayanganga ya lobwaku ya mokɛli ekotɔbɔla yango mpe bana ya mpongo bakolya yango.
18 Makambo misato ekamwisi ngai mingi koleka, mpe minei nazali kokoka koyeba te:
19 nzela ya mpongo na likoló, nzela ya nyoka likoló ya libanga, nzela ya masuwa na katikati ya mbu+ mpe nzela ya mobali makasi elongo na moseka.+
20 Talá nzela ya mwasi ya ekobo: alei mpe apangwisi monɔkɔ na ye mpe alobi: “Nasali mabe moko te.”+
21 Mabele eningani mpo na makambo misato, mpe mpo na minei ekoki kokanga motema te:
22 mpo na moombo ntango akómi koyangela,+ mpe moto ya zoba ntango azali na bilei oyo ekoki na ye;+
23 mpo na mwasi oyo bayiná ntango azwami na libala,+ mpe mosaleli ya mwasi ntango abɔtɔli nkolo na ye ya mwasi esika.+
24 Biloko minei ezali ya mike koleka na mabele, kasi ezali na bwanya ya lɔɔmbi:+
25 bafurmi ezalaka libota moko makasi te,+ atako bongo ebongisaka bilei na yango na eleko ya molunge;+
26 basimbiliki ya mabanga+ ezali libota moko ya nguya te, atako bongo etyaka ndako na yango likoló ya libanga;+
27 mayoyo+ ezalaka na mokonzi te, atako bongo ebimaka yango nyonso bituluku bituluku;+
28 monselekete babengi jeko+ ekangaka biloko na mabɔkɔ na yango mpe ezalaka na ndako monene ya mokonzi.
29 Biloko misato, ndenge na yango ya kotambola ezalaka kitoko, mpe minei, ndenge na yango ya kokende ezalaka kitoko:
30 nkɔsi, oyo ezali na nguya koleka banyama mosusu mpe oyo ezongaka nsima liboso ya eloko moko te;+
31 mbwa ya mbangu to ntaba ya mobali, mpe mokonzi oyo azali kokamba etuluku ya basoda ya bato ya ekólo na ye.+
32 Soki osali na bozoba na ndenge omitomboli,+ mpe soki otye makanisi na yo na likambo yango, tyá lobɔkɔ na monɔkɔ.+
33 Mpo kobɛtabɛta miliki ebimisaka manteka, mpe kofinafina zolo ebimisaka makila, mpe kokangakanga nkanda nde ebimisaka koswana.+
Maloba na nse
^ To, “Sheole.” Talá Ap 4.
