Tito 2:1-15
2 Nzokande, yo lobáká se makambo oyo ebongi na mateya oyo epesaka litomba.+
2 Mibange mibali+ bálekisa ndelo te na bizaleli na bango, bázwa makambo na lisɛki te,+ bázala na makanisi malamu, makasi na kondima,+ na bolingo, na ezaleli ya koyika mpiko.+
3 Mibange basi+ mpe bázala na etamboli ya kobanga Nzambe, bákoselaka bato makambo te,+ bázala baombo ya vinyo te, bateyi ya makambo malamu;
4 mpo básalisa bilenge basi bázongela makanisi malamu mpo bálinga mibali na bango,+ bálinga bana na bango,+
5 bázala na makanisi malamu, bázala pɛto,+ basali misala na ndako, bato malamu, oyo bamikitisaka+ liboso ya mibali na bango, mpo liloba ya Nzambe efingama te.+
6 Kobá mpe kolendisa bilenge mibali bázala na makanisi malamu,+
7 na makambo nyonso ozala ndakisa na misala ya malamu;+ teyáká+ oyo ezali sembo,+ na lisɛki te,
8 zalá na maloba ya pɛto oyo ekoki kokweisama te;+ mpo moto oyo azali na ngámbo mosusu ayoka nsɔni, lokola azangi likambo ya mabe ya kolobela biso.+
9 Baombo+ bátosa bankolo na bango na makambo nyonso,+ mpe básepelisaka bango malamu, bázongisa maloba mabe te,+
10 báyiba te,+ kasi bázala sembo na ndenge oyo ekoki mpenza,+ mpo bákembisa mateya ya Mobikisi na biso,+ Nzambe, na makambo nyonso.
11 Mpo boboto monene+ ya Nzambe oyo ezali kobikisa+ bato ya ndenge nyonso+ emonani polele,+
12 elakisi biso tóboya ezaleli ya kotyola Nzambe+ mpe bamposa ya mokili+ mpe tófanda na makanisi malamu mpe na boyengebene mpe na ezaleli ya kokangama na Nzambe+ na ntango oyo,+
13 awa tozali kozela elikya+ ya kitoko mpenza mpe komonana ya Nzambe monene na nkembo+ mpe ya Mobikisi na biso, Kristo Yesu,
14 oyo amipesaki+ mpo na biso mpo asikola+ biso na makambo ya ndenge nyonso ya kobuka mibeko mpe apɛtola+ mpo na ye bato oyo bazali bato na ye moko,+ oyo bazali na molende na misala ya malamu.+
15 Kobá koloba makambo wana mpe kolendisa mpe kopamela na bokonzi oyo ozwi ya kopesa mitindo.+ Moto atyola yo ata moke te.+
