Yobo 17:1-16
17 “Elimo na ngai ebukani,+ mikolo na ngai esili;
Malita ezali mpo na ngai.+
2 Ya solo, bazali kosɛka ngai,+Mpe liso na ngai efandi na kati ya etamboli na bango ya botomboki.
3 Nabondeli yo, tyá ndanga na ngai epai na yo.+Nani lisusu akotuta ntolo+ mpo na kozala ndanga na ngai?
4 Mpo okangi motema na bango ezala na bokɛngi te.+Yango wana ozali kotombola bango te.
5 Akoki koyebisa baninga bázwa oyo ya bango ndambo ya biloko,Nzokande miso ya bana na ye ekolɛmba.+
6 Mpe atye ngai lokola liloba ya lisese+ ya bato,Bongo nakómi moto ya kobwakela nsoi na elongi.+
7 Mpe miso na ngai ezali kolɛmba mpo na mpasi+Mpe binama na ngai ezali yango nyonso lokola elili.
8 Bato ya sembo bazali kotala yango na kokamwa,Ata mpe moto oyo azali na likambo te azali kosilika mpo na mopɛngwi.
9 Moyengebene azali se kokangama na nzela na ye,+Mpe moto ya mabɔkɔ pɛto,+ makasi na ye ebakisamaka ntango nyonso.+
10 Nde bino nyonso bokoki kobandela. Ɛɛ bókoba, nabondeli bino,Mpo namoni ata moto moko te ya bwanya na kati na bino.+
11 Mikolo na ngai eleki,+ myango na ngai ekatani,+Bamposa ya motema na ngai.
12 Bazali se kotya butu na esika ya moi:+‘Pole ekómi pene mpo ekitana molili.’
13 Soki nakobi kozela, Nkunda* ezali ndako na ngai;+Na kati ya molili,+ nakotanda mpenza mbeto na ngai.
14 Nakobelela libulu+ ete: ‘Ozali tata na ngai!’Mpe nkusu+ ete: ‘Mama na ngai mpe ndeko na ngai ya mwasi!’
15 Bongo elikya na ngai ezali wapi?+Mpe elikya na ngai, nani azali komona yango?
16 Ekokita na bikangiseli ya Nkunda,*Ntango biso nyonso elongo tokokita mpenza na putulu.”+
