MOTUNA 1
Nzambe azali nani
“Báyeba ete yo, oyo nkombo na yo ezali Yehova, yo moko nde Oyo-Aleki-Likoló na mabele mobimba.”
“Bóyeba ete Yehova azali Nzambe. Ye nde asalaki biso, mpe tozali bato na ye.”
“Nazali Yehova. Yango nde nkombo na ngai; napesaka nkembo na ngai na moto mosusu te, napesaka mpe lisanzoli na ngai na bikeko te.”
“Moto nyonso oyo akobelela nkombo ya Yehova akobika.”
“Ya solo, ndako nyonso etongamaka na moto, kasi moto oyo azalisá biloko nyonso ezali Nzambe.”
“Bótombola miso na bino na likoló mpe bómona. Nani azalisaki biloko oyo nyonso? Ezali Moto oyo abimisaka limpinga na yango na kolanda motángo na yango; abengaka yango nyonso na nkombo. Mpo na makasi mingi oyo azali na yango, mpe nguya na ye ya kokamwa, ata moko te kati na yango ezali kozanga.”
Talá mpe...
MATEYA MPENZA YA BIBLIA
Nzambe azali na nkombo?
Nzambe azali na batitre ebele, na ndakisa Tata, Mozalisi, mpe Nkolo. Kasi nkombo ya Nzambe etángami mbala soki 7 000 na Biblia.
