Mokanda ya mibale ya Samwele 22:1-51
22 Mpe Davidi alobaki na Yehova maloba ya loyembo oyo,+ na mokolo oyo Yehova abikisaki ye na lobɔkɔ ya banguna na ye+ nyonso mpe na lobɔkɔ ya Saulo.+
2 Alobaki boye:
“Yehova azali libanga na ngai, esika makasi ya libateli na ngai+ mpe Mobikisi na ngai.+
3 Nzambe na ngai azali libanga na ngai,+ nakimaka epai na ye,Nguba na ngai+ mpe liseke* na ngai ya lobiko,* esika makasi na ngai ya kobombana*+Mpe esika na ngai ya kokima,+ mobikisi na ngai;+ yo moto obikisaka ngai na bato ya mobulu.
4 Nakobelela Yehova, ye oyo abongi kosanzolama,Mpe akobikisa ngai na mabɔkɔ ya banguna na ngai.
5 Mbonge ya liwa ezingaki ngai;+Bato ya mpambampamba, oyo bazali lokola mpela ya pwasa, bapesaki ngai nsɔmɔ.+
6 Bansinga ya Nkunda* ezingaki ngai;+Mitambo ya liwa ezalaki liboso na ngai.+
7 Na mpasi na ngai nabelelaki Yehova,+Nakobaki kobelela Nzambe na ngai.
Bongo, ayokaki mongongo na ngai na tempelo na ye,Mpe kolela na ngai mpo na kosɛnga lisalisi ekómaki na matoi na ye.+
8 Mabele ekómaki koningana mpe kolɛnga epai na epai;+Miboko ya likoló eninganaki,+Mpe eninganaki epai na epai mpo bapesaki ye nkanda.+
9 Milinga ebimaki na zolo na ye mpe emataki,Mpe mɔtɔ ya kozikisa ebimaki na monɔkɔ na ye;+Makala ya mɔtɔ oyo ezali kopela eutaki epai na ye.
10 Ntango akitaki+ asalaki ete likoló egumbama,Mpe molili makasi ezalaki na nse ya makolo na ye.+
11 Amataki likoló ya keruba+ moko mpe ayaki, azali kopumbwa.
Bamonaki ye azali koya likoló ya mapapu yaanzelu moko.*+
12 Bongo atyaki molili zingazinga na ye lokola esika ya libateli,+Na kati ya mai ya moindo mpe na mapata minene.
13 Kongɛnga oyo ezalaki liboso na ye esalaki ete makala ya mɔtɔ ekóma kopela.
14 Bongo Yehova abandaki konguluma lokola nkake longwa na likoló;+Ye Oyo-Aleki-Likoló ayokisaki mongongo na ye.+
15 Abɛtaki makula na ye+ mpe apanzaki bango;Atindaki mokalikali mpe atyaki bango na mobulu.+
16 Nse ya mai ya mbu ekómaki komonana,+Mpo na mpamela ya Yehova;Miboko ya mokili ekómaki komonana polele,
Mpo na mpema oyo ebimi na zolo na ye.+
17 Uta na likoló asembolaki lobɔkɔ na ye,Akangaki ngai mpe abimisaki ngai na mai mozindo.+
18 Abikisaki ngai na mabɔkɔ ya monguna na ngai ya makasi,+Na mabɔkɔ ya bato oyo bayinaka ngai mpe oyo balekaki ngai na makasi.
19 Babimelaki ngai na mokolo oyo nazalaki na mpasi,+Kasi Yehova azalaki mosungi na ngai.
20 Abimisaki ngai mpe atyaki ngai na esika moko ya libateli;*+Abikisaki ngai mpo azalaki kosepela na ngai.+
21 Yehova apesi ngai mbano mpo na bosembo na ngai;+Afuti ngai mpo mabɔkɔ na ngai ezali na ngambo te.*+
22 Mpo nabateli banzela ya Yehova,Mpe naboyi kosala mabe ya kosundola Nzambe na ngai.
23 Bikateli na ye nyonso ya lisambisi+ ezali liboso na ngai;Nakotika mibeko na ye te.+
24 Nakozala ntango nyonso na mbeba te+ liboso na ye,Mpe nakomibatela mpo nasala libunga te.+
25 Tiká Yehova afuta ngai mpo na bosembo na ngai,+Mpo nazali na ngambo te liboso na ye.+
26 Epai ya moto ya sembo, ozalaka sembo;+Epai ya moto* oyo azangi mbeba, osalaka makambo oyo ezangi mbeba;+
27 Ozalaka pɛto epai ya moto oyo azali pɛto,+Kasi ozalaka ekɛngɛ*+ epai ya moto oyo asalaka makambo na bokosi.
28 Mpo obikisaka bato ya komikitisa,+Kasi miso na yo etɛmɛlaka bato ya lolendo, mpe okitisaka bango.+
29 Mpo ozali mwinda na ngai, Ee Yehova!+Yehova nde akómisaka molili na ngai pole.+
30 Na lisalisi na yo, nakoki kobunda na etuluku ya bapunzi;Na lisalisi ya nguya ya Nzambe, nakoki komata efelo.+
31 Nzela ya Nzambe ya solo ezali ya kokoka;+Liloba ya Yehova epɛtolamá.*+
Azali nguba mpo na baoyo nyonso bakimaka epai na ye.+
32 Mpo nani azali Nzambe, longola Yehova?+
Mpe nani azali libanga, longola Nzambe na biso?+
33 Nzambe ya solo azali ndako na ngai ya makasi mpenza,+Mpe akosembola nzela na ngai.+
34 Akómisaka makolo na ngai lokola ya nyama ebengami bishe;Atɛlɛmisaka ngai na bisika oyo etombwaná.+
35 Alakisaka ngai ndenge ya kobunda;Mabɔkɔ na ngai ekoki kogumba litimbo ya kwivre.
36 Opesi ngai nguba na yo mpo ebatela ngai,Mpe komikitisa na yo ekómisi ngai moto monene.+
37 Okómisi nzela monene mpo na matambe na ngai;Makolo na ngai ekobɛta libaku te.+
38 Nakolanda banguna na ngai mpe nakoboma bango nyonso;Nakozonga te tii bango nyonso bakosila.
39 Nakosilisa bango nyɛɛ mpe nakobukabuka bango, bongo bakokoka kotɛlɛma te;+Bakokwea na nse ya makolo na ngai.
40 Okopesa ngai makasi mpo na etumba;+Okokweisa banguna na ngai na nse ya makolo na ngai.+
41 Okosala ete banguna na ngai bákima liboso na ngai;*+Baoyo bayinaka ngai, nakokangisa bango monɔkɔ.+
42 Bazali kobelela mpo na kosɛnga lisalisi, kasi moto ya kobikisa bango azali te;Bazali kobelela ata Yehova, kasi azali koyanolabango te.+
43 Nakotutatuta bango mikemike mpe bakokóma lokola putulu ya mabele;Nakonikanika bango mpe nakonyata bango lokola pɔtɔpɔtɔ ya babalabala.
44 Okobikisa ngai na mabɔkɔ ya bato na ngai oyo balukaka kaka mabunga.+
Okobatela ngai mpo nazala mokonzi ya bikólo;+Bato oyo nayebaki te, bakosalela ngai.+
45 Bapaya bakoya kogumbama liboso na ngai;+Makambo oyo bakoyoka mpo na ngai ekosala ete bátosa ngai.*
46 Mpiko ya bapaya ekosila;*Bakobima na kolɛnga na bisika na bango ya makasi ya libateli.
47 Yehova azali na bomoi! Libanga na ngai asanzolama!+
Tiká ete Nzambe, libanga ya lobiko na ngai, atombwama!+
48 Nzambe ya solo azali kozongisa mabe mpo na ngai;+Atye bato ya bikólo na nse na ngai;+
49 Azali kobikisa ngai na mabɔkɔ ya banguna na ngai.
Otomboli ngai likoló+ mpenza ya baoyo babundisi ngai;Ozali kobikisa ngai na lobɔkɔ ya moto ya mobulu.+
50 Yango wana nakopesa yo matɔndi kati na bikólo,+ Ee Yehova;Mpe nakoyemba mpo na kosanzola nkombo na yo:*+
51 Asalaka misala minene mpo na kobikisa mokonzi na ye;+Amonisaka bolingo ya sembo epai ya moto na ye oyo atyami mafuta,Epai ya Davidi mpe libota* na ye mpo na libela.”+
Maloba na nse
^ Talá Ndimbola ya maloba.
^ To, “mobikisi na ngai ya nguya.”
^ To, “ekimelo na ngai ya makasi.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ To, “ya mopɛpɛ.”
^ To, “esika moko monene.”
^ Lil., “ezali pɛto.”
^ Lil., “elombe.”
^ To mbala mosusu, “osalaka makambo lokola zoba.”
^ Liloba ya Ebrɛ oyo basaleli awa elakisi: konyangwisa ebende na mɔtɔ mpo ekóma pɛto.
^ To, “Okopesa ngai nkingo ya banguna na ngai.”
^ Lil., “Bakotosa ngai mpo na makambo oyo bakoyoka na matoi.”
^ To, “Bapaya bakokauka.”
^ To, “nakobɛta miziki mpo na nkombo na yo.”
^ Lil., “momboto.”
