Epai ya Bagalatia 3:1-29
-
Misala ya kondima eleki misala ya mibeko (1-14)
-
“Moto ya sembo akozala na bomoi mpo na kondima” (11)
-
-
Elaka oyo bapesaki Abrahama ezali kokokisama te na nzela ya Mibeko (15-18)
-
Kristo, mwana ya Abrahama (16)
-
-
Ebandeli ya Mibeko mpe mokano na yango (19-25)
-
“Bana ya Nzambe na nzela ya kondima” (26-29)
-
Libota ya Abrahama, baoyo bazali bato ya Kristo (29)
-
3 Ee Bagalatia bazoba! Nani amemi bino na nzela yango ya mabe,+ bino bato oyo bateyaki liboso na bino polelepolele ete Yesu Kristo abakamaki na nzete?+
2 Nazali na motuna moko ya kotuna bino:* Bozwaki elimo mpo bokokisaki makambo oyo mibeko elobi to mpo bondimelaki makambo oyo boyokaki?+
3 Bozali nde bazoba boye? Nsima ya kobanda kotambwisama na makambo ya elimo,* bozali nde kosuka na kotambwisama na makambo ya nzoto?*+
4 Ebele ya bampasi oyo bomonaki ezalaki kaka mpamba? Soki ezalaki mpenza kaka mpamba.
5 Bongo moto oyo azali kopesa bino elimo mpe azali kosala misala ya nguya+ na kati na bino, azali kosala yango nde mpo na misala ya mibeko to mpo na kondima na bino na makambo oyo boyokaki?
6 Kaka ndenge Abrahama “andimelaki Yehova,* mpe atángamaki moto ya sembo.”*+
7 Ya solo mpenza boyebi ete baoyo bazali kokangama na kondima nde bazali bana ya Abrahama.+
8 Nzokande Likomami, lokola emonaki liboso ete Nzambe akotánga bato ya bikólo bato ya sembo* mpo na kondima, esakolaki nsango malamu liboso epai ya Abrahama ete: “Na nzela na yo bikólo nyonso ekopambolama.”+
9 Yango wana, baoyo bazali kokangama na kondima bazali kopambolama esika moko na Abrahama, oyo azalaki na kondima.+
10 Baoyo nyonso batyaka motema na misala ya mibeko balakelami mabe, mpo ekomamá ete: “Moto nyonso oyo azali kokoba te kosalela makambo nyonso oyo ekomami na rulo ya mibeko alakelama mabe.”+
11 Lisusu, ezali polele mpenza ete Nzambe atángaka moto moko te sembo mpo na mibeko,+ mpamba te “moto ya sembo akozala na bomoi mpo na kondima.”+
12 Nzokande Mibeko esɛngaka kozala na kondima te. Kasi “moto oyo azali kosala makambo yango akozala na bomoi na nzela na yango.”+
13 Kristo asikolaki biso+ ndenge alongolaki biso+ na elakeli mabe ya Mibeko na ndenge akómaki elakeli mabe na esika na biso, mpo ekomamá ete: “Moto nyonso oyo abakami na nzete alakelami mabe.”+
14 Yango esalemaki mpo lipamboli ya Abrahama eya na bikólo na nzela ya Kristo Yesu,+ mpo na nzela ya kondima na biso, tózwa elimo oyo elakamaki.+
15 Bandeko, nazali kosalela ndakisa ya likambo moko oyo esalemaka na bomoi ya bato mpo naloba na bino: soki kondimana moko endimami, atako ezali ya moto, moto moko te alongolaka to abakisaka makambo mosusu likoló na yango.
16 Nzokande bilaka yango, bayebisaki yango Abrahama mpe mwana* na ye.+ Elobi te ete: “Mpe epai ya bana* na yo,” lokola nde na bato ebele, kasi elobi nde ete: “mpe epai ya mwana* na yo,” oyo ezali komonisa kaka moto moko, elingi koloba Kristo.+
17 Lisusu, nazali koloba boye: Mibeko oyo eyaki mbula 430 na nsima+ ezali kolongola te kondimana oyo Nzambe asalaki liboso, mpe ezali koboma elaka wana te.
18 Mpo soki libula ezwamaka nde na nzela ya mibeko, ekozwama na nzela ya elaka lisusu te; nzokande Nzambe apesi yango Abrahama na boboto na nzela ya elaka.+
19 Bongo ntina ya Mibeko ezali nini? Yango ebakisamaki mpo na komonisa polele makambo ya kobuka mibeko,+ tii ntango mwana* oyo bapesaki ye elaka akoya;+ mpe yango epesamaki na nzela ya baanzelu,+ na lobɔkɔ ya moyokanisi.+
20 Nzokande moyokanisi azalaka te na esika oyo moto azali kaka moko, kasi Nzambe azali kaka ye moko.
21 Bongo Mibeko ezali nde kotɛmɛla bilaka ya Nzambe? Te, ata moke te! Mpo soki bápesaka mobeko moko boye oyo ekoki kopesa bomoi, mbɛlɛ moto atángami sembo* mpenza mpo na mibeko.
22 Kasi Likomami ekangaki biloko nyonso na bolɔkɔ ya lisumu, mpo elaka oyo euti na kondimela Yesu Kristo epesama na baoyo bazali komonisa kondima.
23 Nzokande, liboso kondima eya, mibeko ezalaki kokɛngɛla biso, ekangaki biso na bolɔkɔ, tozalaki kozela kondima oyo esengelaki komonisama.+
24 Yango wana, Mibeko ekómaki molakisi* na biso oyo azalaki kokamba biso epai ya Kristo,+ mpo tótángama bato ya sembo mpo na kondima.+
25 Kasi sikoyo lokola kondima eyei,+ molakisi* azali kokamba biso lisusu te.+
26 Ya solo, bozali bino nyonso bana ya Nzambe+ na nzela ya kondima oyo bozali na yango epai ya Kristo Yesu.+
27 Mpo bino nyonso oyo bobatisami na kati ya Kristo bolati Kristo.+
28 Moyuda azali te, Mogrɛki mpe te,+ moombo azali te, moto ya bonsomi mpe te,+ mobali azali te, mwasi mpe te,+ mpo bino nyonso bozali kaka moko na bomoko na Kristo Yesu.+
29 Lisusu, soki bozali bato ya Kristo, bozali mpenza bana* ya Abrahama,+ bazwi-ya-libula+ ya elaka.+
Maloba na nse
^ Lil., “Nalingi nayekola epai na bino.”
^ Lil., “Nsima ya kobanda na elimo.”
^ Lil., “bozali kosukisa na nzoto?”
^ To, “moyengebene.” Talá Ndimbola ya maloba.
^ To, “bayengebene.” Talá Ndimbola ya maloba.
^ Lil., “momboto.”
^ Lil., “mboto.”
^ Lil., “momboto.”
^ Lil., “momboto.”
^ To, “moyengebene.” Talá Ndimbola ya maloba.
^ To, “mokɛngɛli.”
^ To, “mokɛngɛli.”
^ To, “libota.” Lil., “momboto.”
