Hosea 11:1-12
11 “Ntango Yisraele azalaki mwana moke, nalingaki ye,+Mpe nabengaki mwana na ngai abima na Ezipito.+
2 Ntango bango* bazalaki se kobenga Bayisraele,Bayisraele mpe bazalaki se kokima bango.+
Bakobaki kopesa bambeka na bikeko ya Baala+Mpe bazalaki kopesa bambeka na bikeko.*+
3 Nzokande ngai nde nalakisaki Efraime kotambola,+ mpe nazwaki bango na mabɔkɔ na ngai;+Kasi bandimaki te ete ngai nabikisaki bango.
4 Nakobaki kobenda bango na bansinga ya bana ya bato,* na bansinga ya bolingo.+Nazalaki mpo na bango lokola moto oyo azali kolongola ekanganeli na mbanga na bango,Mpe na boboto, namemelaki mokomoko na bango bilei.
5 Bakozonga na mokili ya Ezipito te, kasi Asiri akozala mokonzi na bango,+Mpo baboyaki kozongela ngai.+
6 Mopanga ekobalukabaluka mpo na kobɛta bingumba na bango,+Mpo na kobebisa bikangiseli ya baporte na yango mpe kolya bango mpo na myango na bango ya mabe.+
7 Bato na ngai balingi kaka kozanga bosembo epaina ngai.+
Atako babengaki bango na likoló,* moto moko te atɛlɛmi.
8 Ndenge nini nakoki kosundola yo, Ee Efraime?+
Ndenge nini nakoki kopesa yo na mabɔkɔ ya banguna na yo, Ee Yisraele?
Ndenge nini nakoki kosala yo lokola Adma?
Ndenge nini nakoki kokómisa yo lokola Zeboyime?+
Nabongolaki makanisi;Na ntango yango, mawa na ngai elamukaki.*+
9 Nakobimisa te nkanda na ngai ya makasi.
Nakobebisa lisusuEfraime te,+Mpo nazali Nzambe,kasi moto te,Nazali Mosantu kati na bino;Mpe nakoyela yo lisusu na nkanda te.
10 Bakotambola nsima ya Yehova, mpe ye akoganga lokola nkɔsi;+Ntango akoganga, bana na ye bakoya uta na wɛsti na kolɛnga.+
11 Bakolɛnga lokola ndɛkɛ ntango bakobima na Ezipito,Lokola ebenga ntango bakobima na mokili ya Asiri;+Mpe nakofandisa bango na bandako na bango,” Yehova alobi bongo.+
12 “Efraime azingi ngaina lokutaMpe ndako ya Yisraelena bokosi.+
Kasi Yuda azali naino kotambola* elongo na Nzambe,Mpe azali sembo epai ya Oyo Aleki Bosantu.”+
Maloba na nse
^ Elingi koloba, basakoli mpe bato mosusu oyo batindamaki mpo na koteya Yisraele.
^ To, “bikeko oyo eyemami.”
^ To, “bansinga ya boboto,” emonani ete ezalaki bansinga oyo baboti bazalaki kosalela mpo na kolakisa mwana kotambola.
^ Elingi koloba, na losambo oyo etombwani.
^ Lil., “engalaki.”
^ To, “koyengayenga.”
