Hosea 5:1-15
-
Lisambisi mpo na Efraime mpe Yuda (1-15)
5 “Bóyoka likambo oyo, bino banganga-nzambe,+Bótya likebi, Ee bato ya Yisraele,Bóyoka, Ee bato ya ndako ya mokonzi,Mpo lisambisi etali nde bino;Mpamba te bozali motambo mpo na MizipaMpe monyama oyo etandami likoló ya Tabore.+
2 Batomboki* bamipesi mingi mpenza na koboma,Mpe nazali kokebisa* bango nyonso.
3 Nayebi Efraime,Mpe Yisraele abombami te na miso na ngai.
Mpo sikoyo, Ee Efraime, osangisi nzoto na bato ebele;*Yisraele amikómisi mbindo.+
4 Misala na bango epesi bango nzela te ya kozongela Nzambe na bango,Mpo elimo ya bondumba* ezali kati na bango;+Mpe bazali kondima Yehova te.
5 Lolendo ya Yisraele efundi ye;*+Yisraele ná Efraime babɛti libaku mpo na libunga na bango,Mpe Yuda abɛti libaku elongo na bango.+
6 Elongo na bitonga na bango ya bampate mpe ya bangɔmbɛ, bakendaki koluka Yehova,Kasi bamonaki ye te.
Amibendaki mosika na bango.+
7 Basaleli Yehova makambo na bokosi,+Mpo bakómi batata ya bana oyo bazali bapaya.
Sikoyo sanza moko ekolya bango* ná biloko* na bango.
8 Bóyula liseke+ na Gibea, bóbɛta kelelo na Rama!+
Bóbɛta ntangwa ya etumba na Bete-avene!+ Tozali nsima na yo, Ee Benyamina!
9 Ee Efraime, bato bakoyoka nsɔmɔ ntango bakotala yo na mokolo oyo okozwa etumbu.+
Nayebisi mabota ya Yisraele makambo oyo ekosalema mpenza.
10 Bankumu ya Yuda bazali lokola bato oyo bazali kopusa ndelo ya mabele.+
Nakosopela bango nkanda na ngai ya makasi lokola mai.
11 Efraime azali konyokwama, kobebisama na ye ezali sembo,Mpo azalaki mpenza na mokano ya kolanda monguna na ye.+
12 Yango wana nazalaki lokola ndɔngɛ mpo na EfraimeMpe lokola eloko ya kopɔla mpo na bato ya Yuda.
13 Ntango Efraime amonaki maladi na ye, mpe Yuda mpota na ye,Efraime akendaki na Asiri+ mpe atindaki bamemi-nsango epai ya mokonzi moko monene.
Kasi mokonzi yango akokaki kobikisa bino te,Mpe akokaki kosilisa mpota na bino te.
14 Nakozala lokola nkɔsi ya elenge mpo na Efraime,Mpe lokola nkɔsi ya nguya* mpo na bato ya Yuda.
Ngai moko nakopasola bango mpe nakokende na ngai;+Nakomema bango, mpe moto moko te akobikisa bango.+
15 Nakokende mpe nakozonga epai na ngai tii ntango bakobuka mbuma ya lisumu na bango.Mpe bakoluka ete nandima bango.*+
Ntango bakozala na mpasi, bakoluka ngai.”+
Maloba na nse
^ To, “Bapɛngwi.”
^ To, “nakopesa disiplini na.”
^ To, “osali pite; osangisi nzoto na bato ndenge na ndenge.”
^ To, “pite; kosangisa nzoto na bato ndenge na ndenge.”
^ Lil., “elongi na ye.”
^ To mbala mosusu, “na sanza moko bakolyama.”
^ To, “bilanga.”
^ To, “mwana-nkɔsi oyo nkingo etondi na nsuki.”
^ Lil., “elongi na ngai.”
