Kolimbola Mibeko 32:1-52
32 “Tyá litoi, Ee likoló, mpe nakoloba;Mpe mabele eyoka maloba ya monɔkɔ na ngai.
2 Liteya na ngai ekokwea lokola mbula;Maloba na ngai ekotanga lokola mamwɛ,*Lokola mbula moke likoló ya matitiMpe lokola mbula monene likoló ya milona.
3 Mpo nakosakola nkombo ya Yehova.+
Bólobela bonene ya Nzambe na biso!+
4 Libanga, mosala na ye ezali ya kokoka,+Mpo banzela na ye nyonso ezali bosembo.+
Azali Nzambe moko ya kotyela motema,+ oyo azangaka bosembo te;+Azali moyengebene mpe sembo.+
5 Bango moko nde basali makambo na kozanga bosembo.+
Bazali bana na ye te, mbeba ezali ya bango moko.+
Bazali libota moko oyo etɛngamá mpe egumbamá!+
6 Ee bazoba mpe bato bazangi bwanya,+Bongo nde bosengeli kosalela Yehova makambo?+
Ezali ye te Tata oyo azalisaki bino?+Ye te moto asalaki bino mpe apikaki bino makasi?
7 Kanisá mikolo ya kala;Talelá bambula ya mabota oyo eleká.
Tuná tata na yo, mpe akoki koyebisa yo;+Tuná bankulutu na yo, mpe bakoyebisa yo.
8 Ntango Oyo-Aleki-Likoló apesaki bikólo libula na bango,+Ntango akabolaki bana ya Adama,*+Atyá ndelo na kati ya bato ya bikólo+Na kotalela motángo ya bana ya Yisraele.+
9 Mpo likabo ya Yehova ezali bato na ye;+Yakobo azali libula na ye.+
10 Akutaki ye na mokili ya esobe,+na mokili ekauká oyo ezali mpamba, oyo ezali koganga na kolela.+
Azingaki ye malamu, alɛngɛlaki ye,+Mpe abatelaki ye lokola mbuma ya liso na ye.+
11 Kaka ndenge mpongo epupolaka zumbu* na yango,Epumbwapumbwaka likoló ya bana na yango,Esembolaka mapapu, ezwaka bana na yango,Ememaka yango na nsala na yango,+
12 Yehova ye moko azalaki kokamba ye;*+nzambe mopaya ata moko te azalaki elongo na ye.+
13 Atambwisaki ye na bisika etombwaná ya mabele,+Bongo alyaki mbuma ya elanga.+
Aleisaki ye na mafuta ya nzoi oyo euti na libanga,Mpe mafuta oyo euti na libanga ya silekisi,
14 Manteka ya etonga ya bangɔmbɛ mpe miliki ya etonga ya bampate,Ná bampate-mibali oyo eleki malamu,*Mpe ya bampate-mibali ya Bashane, mpe bantaba-mibaliNá mbuma ya blé oyo eleki malamu;*+Mpe omɛlaki vinyo oyo esalemi na mai* ya mbuma ya vinyo.
15 Ntango Yeshurune* akómaki mafutamafuta, akómaki motomboki.
Okómaki mafutamafuta, okómaki monene, otondaki mingi.+
Bongo atikaki Nzambe, oyo asalaki ye,+Mpe atyolaki Libanga ya lobiko na ye.
16 Bapelisaki nkanda na ye ntango basalelaki banzambe ya bapaya;+Basilikisaki ye na biloko oyo ayiná.+
17 Bazalaki kopesa bambeka epai ya bademo, kasi epai ya Nzambe te,+Epai ya banzambe oyo bango bayebaki te,Banzambe ya sika oyo bayaki kala mingi te,Epai ya banzambe oyo bankɔkɔ na bino bayebaki te.
18 Obosanaki Libanga+ oyo abotaki yo,Mpe obosanaki Nzambe oyo apesaki yo bomoi.+
19 Ntango Yehova amonaki bongo, abwakaki bango,+Mpo bana na ye ya mibali mpe ya basi basilikisaki ye.
20 Yango wana alobaki ete: ‘Nakotyela bango lisusu likebi te;*+Bongo nakomona ndenge bomoi na bango ekokóma.
Mpo bazali libota moko ya bato babebá,+Bana oyo bazangi bosembo.+
21 Bapesaki ngai nkanda* na ndenge basambeli banzambe ya lokuta;+Basilikisaki ngai na bikeko na bango oyo ezangá ntina.+
Nakoyokisa bango zuwa na eloko oyo ezali ekólo te;+Nakosalela ekólo moko ya bozoba mpo na kosilikisa bango.+
22 Mpo nkanda na ngai epelisi mɔtɔ+Oyo ekozikisa tii esika mozindo ya Nkunda,*+Oyo ekotumba mabele ná mbuma na yangoOyo ekozikisa miboko ya bangomba.
23 Nakobakisela bango ebele ya bampasi;Nakosilisela bango makula na ngai.
24 Bakolɛmba na nzala+Fiɛvrɛ moko ya makasi ekolya bango mpe libebi moko ya mabe mpenza ekosilisa bango.+
Nakotindela bango mino ya banyama,+Ná ngɛngɛ ya banyoka ya putulu.
25 Na libándá, mopanga ekotika bango mabɔkɔ mpamba;+Na kati ya ndako, kolɛnga na nsɔmɔ,+Ekozala epai ya elenge mobali mpe epai ya ngɔndɔ,Epai ya mwana oyo azali komɛla mabɛlɛ mpe epai ya moto oyo azali na nsuki mpɛmbɛ.+
26 Nalingaki koloba ete: “Nakopalanganisa bango;Nakosala ete bato bátika kokanisa bango,”
27 Kasi nazali kokanisa mingi na oyo monguna akoloba,+Mpo banguna bakoki kobalola likambo yango na ndenge ya mabe.+
Bakoki koloba: “Tolongi na nguya na biso;+Ezali Yehova te nde asali nyonso wana.”
28 Mpo bazali ekólo oyo babungisá bizaleli malamu,*Mpe mayele ezali te na kati na bango.+
29 Soki bázalaka ata bato ya bwanya!+ Balingaki kokanisa yango malamumalamu.+
Balingaki kokanisa likambo oyo ekokómela bango.+
30 Ndenge nini moto moko akoki kobengana bato 1 000,Mpe bato mibale bakoki kokimisa bato 10 000?+
Loba kaka soki Libanga na bango atɛki bango+Mpe Yehova akabi bango.
31 Mpo libanga na bango ezali lokola Libanga na biso te,+Ata banguna na biso bayebi yango.+
32 Mpo vinyo na bango euti na vinyo ya SodomaMpe na mikala ya bilanga ya Gomora.+
Mbuma na bango ya vinyo ezali mbuma ya vinyo ya pwazɔ,Bituka na bango ezali bololo.+
33 Vinyo na bango ezali pwazɔ ya banyokaPwazɔ ya bakobra, oyo ebomaka.
34 Yango ebombami pene na ngai te,Ekangisami te na elembo na ndako na ngai ya kobomba biloko?+
35 Kozongisa mabe mpe kofuta ezali likambo na ngai,+Lokolo na bango ekosɛlimwa na ntango oyo etyami,+Mpo mokolo ya likama na bango ekómi pene,Mpe makambo oyo ezali kozela bango ekoya mbangumbangu.’
36 Mpo Yehova akosambisa bato na ye,+Mpe akoyokela basaleli na ye mawa,+Ntango akomona ete makasi na bango esili,Mpe moto oyo azangi libateli mpe azangi makasi nde atikali.
37 Bongo akoloba ete: ‘Wapi banzambe na bango,+Wapi libanga epai balukaki komibomba,
38 Oyo bazalaki kolya mafuta ya bambeka na bango,*Komɛla vinyo ya makabo na bango ya masanga?+
Tiká bátɛlɛma mpe básalisa bino.
Bákóma esika na bino ya komibomba.
39 Bótala sikoyo ete, ngai, ngai nde ye,+Mpe banzambe mosusu bazali te longola ngai.+
Nabomaka, mpe napesaka bomoi.+
Nazokisaka,+ mpe nabikisaka,+Mpe moto moko te akoki kobikisa na lobɔkɔ na ngai.+
40 Mpo natomboli lobɔkɔ na ngai na likoló,Mpe nalapi ndai ete: “Lokola nazali mpenza na bomoi libela na libela,”+
41 Soki napelisi mopanga na ngai oyo ezali kongɛnga,Mpe nabongisi lobɔkɔ na ngai mpo na lisambisi,+Nakozongisela banguna na ngai mabe+Mpe nakofuta baoyo bazali koyina ngai.
42 Nakolangwisa makula na ngai na makila,Mpe mopanga na ngai ekolya mosuni,Ná makila ya babomami mpe ya bakangami,Ná mitó ya bakambi ya monguna.’
43 Bósepela, bino bikólo, elongo na bato na ye,+Mpo akozongisa mabe mpo na makila ya basaleli na ye,+Mpe akozongisela banguna na ye mabe+Mpe akozipa masumu mpo na* mokili ya bato na ye.”
44 Na yango, Moize ayaki mpe alobaki maloba nyonso ya loyembo oyo na matoi ya bato,+ ye ná Hoshea*+ mwana ya Nunu.
45 Ntango Moize asilisaki koloba na Yisraele mobimba maloba oyo nyonso,
46 alobaki na bango ete: “Bóbatela malamumalamu maloba nyonso oyo nazali kokebisa bino na yango lelo,+ mpo bópesa bana na bino mitindo mpo bákeba ete básalela maloba nyonso ya Mobeko oyo.+
47 Mpo ezali maloba ya mpamba te. Ekopesa bino bomoi+ mpe na nzela ya maloba yango nde bokoki kozala na bomoi molai na mabele oyo bokozwa ntango bokokatisa Yordani.”
48 Yehova alobaki na Moize kaka na mokolo yango ete:
49 “Matá na ngomba oyo ya Abarime,+ Ngomba Nebo,+ oyo ezali na mokili ya Moabe, oyo etalani na Yeriko, mpe talá mokili ya Kanana, oyo nazali kopesa Bayisraele libula.+
50 Na nsima, okokufa na ngomba oyo ozali komata, mpe okoyanganisama esika moko na bato na yo,* kaka ndenge Arona ndeko na yo akufaki na Ngomba Hore+ mpe ayanganisamaki na bato na ye;
51 mpo bino mibale bozangaki bosembo epai na ngai na katikati ya Bayisraele, na mai ya Meriba+ ya Kadeshe na esobe ya Zine, mpo bino bosantisaki ngai te liboso ya bato ya Yisraele.+
52 Okomona mokili yango na mosika, kasi okokɔta te na mokili oyo nazali kopesa bato ya Yisraele.”+
Maloba na nse
^ Matangá ya mai oyo ezalaka na milona na ntɔngɔntɔngɔ.
^ To mbala mosusu, “bato.”
^ To, “zála.”
^ Elingi koloba, Yakobo.
^ Lil., “ya mafuta.”
^ Lil., “ya mafuta ya mompíko.”
^ Lil., “makila.”
^ Elimboli, “moto ya sembo,” titre ya lokumu oyo bapesaki Yisraele.
^ Lil., “nakobombela bango elongi na ngai.”
^ To, “bayokisaki ngai zuwa.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ To mbala mosusu, “bayokaka toli te.”
^ To, “bazalaki kolya bambeka na bango oyo eleki malamu.”
^ To, “akopɛtola.”
^ Nkombo ya liboso ya Yosua. Hoshea ezali lolenge ya mokuse ya nkombo Hoshayiya, oyo elimboli, “tobikisami na Yah; Yah abikisaki.”
^ Oyo ezali maloba ya ntɔki mpo na kolobela liwa.
