Loyembo ya Salomo 6:1-13
6 “Ee mwasi oyo aleki basi nyonso na kitoko,Bolingo na yo akei wapi?
Bolingo na yo akei nzela nini?
Yaká tóluka ye.”
2 “Bolingo na ngai akiti na elanga na ye,Na mikala ya milona oyo ebimisaka nsolo kitoko,Mpo na kobatela bampate na kati ya bilangaMpe kobuka bafololo lísi.+
3 Bolingo na ngai azali ya ngai,+Mpe ngai nazali ya ye.
Azali kobatela bampatena kati ya bafololo lísi.”+
4 “Bolingo na ngai,+ ozali kitoko lokola Tirza,*+Bonzenga lokola Yerusaleme,+Ozali mpenza kitoko lokola mampinga ya basoda oyo bayangani zingazinga ya bɛndɛlɛ na bango.+
5 Tiká kotala ngai,+Mpo miso na yo ezali kobulunganisa ngai.
Nsuki na yo ezali lokola etonga ya bantabaOyo ezali kokita na bangomba ya Gileade.+
6 Mino na yo ezali lokola etonga ya bampateOyo ebimi na mai nsimaya kosukolama,Yango nyonso ezali na bana ya mapasa,Mpe moko te ebungisi mwana na yango.
7 Matama* na yo na nseya litambala na yoEzali lokola eteni ya mbuma ya grenade.
8 Basi ya mokonzi bakoki kozala 60Mpe basi mosusu 80Mpe bilenge basi yakotánga te.+
9 Kasi kaka moko nde azali ebenga na ngai,+ oyo azangi mbeba.
Mwana kaka moko ya mama na ye.
Azali mwana oyo mama oyo abotaki ye alingaka mingi.*
Bana basi bamoni ye, mpe balobi ete azali mwasi ya esengo;Basi ya mokonzi ná basi mosusu bakumisi ye.
10 ‘Mwasi yango nani oyo azali kongɛnga* boye lokola kotana ya ntɔngɔ,Oyo azali kitoko lokolasanza oyo ebimi mobimba,Oyo azali pɛto lokola moi oyo ezali kongala,Oyo azali mpenza kitoko lokola mampinga ya basoda oyo bayangani zingazinga ya bɛndɛlɛ na bango?’”+
11 “Nakitaki na elanga ya banzete oyo ebotaka mbuma+Mpo na kotala banzete oyo ebimi sika na lobwaku,*Mpo na kotala soki nzete ya vinyo ebimisi nkasa,Soki banzete ya grenade ebimisi fololo.
12 Liboso kutu nayeba yango,Mposa* na ngai ememaki ngaiTii na makalo ya bato ya lokumu* ya mbokana ngai.”
13 “Zongá, zongá,Ee Moshulame!
Zongá, zongá,Mpo tótala yo!”
“Mpo na nini bozali kotalatala Moshulame?”+
“Azali lokola mabinaya bituluku mibale!”*
Maloba na nse
^ To, “Engumba ya kitoko mingi.”
^ To, “Mpakatoi.”
^ Lil., “Azali mwana ya pɛto ya moto oyo abotaki ye.”
^ Lil., “kokitisa miso na nse.”
^ To, “wadi.” Talá Ndimbola ya maloba.
^ To, “Molimo.”
^ To, “bato na ngai oyo balingá kosalisa.”
^ To, “mabina ya Mahanaime.”
