Masese 7:1-27
7 Mwana na ngai, batelá maloba na ngai,Mpe bombá malamumalamu mitindo na ngai.+
2 Batelá mitindo* na ngai mpe okozala na bomoi molai;+Landá mateya na ngai malamu kaka ndenge obatelaka mbuma ya liso na yo.
3 Kangá yango na misapi na yo;Komá yango na etanda ya motema na yo.+
4 Lobá na bwanya boye: “Ozali ndeko na ngai ya mwasi,”
Mpe bengá mayele “moto ya libota na ngai,”
5 Mpo na kobatela yo na mwasi ya mobulu,*+Na mwasi ya pite* mpe na maloba na ye ya sukali.*+
6 Uta na kiyungulu ya fɛnɛtrɛ ya ndako na ngai,Natalaki na nse,
7 Mpe natalaki malamumalamu bato oyo bazangi mayele,*Na kati ya bilenge, namonaki elenge mobali moko oyo azangi bososoli.*+
8 Azalaki koleka pene na esika babalabala ekutani,Mpe kotambola na nzela oyo ekei na ndako ya mwasi yango
9 Liboso molili ekɔta, na mpokwa,+Ntango butu ná molili ebandaki kokɔta.
10 Bongo namonaki mwasi moko azali koya kokutana na ye,Alati lokola* mwasi ya ndumba+ mpe motema na ye ezali na mayele mabe.
11 Asilá nsɔni mpe azali motó makasi.+
Afandaka na ndako te.*
12 Mokemoke na libándá, mokemoke na bisika minene ya bato nyonso,Na babalabala oyo ekutani abatamaka mpo na kozela.+
13 Akangi ye mpe apesi ye lipwɛpwɛ;Kozanga nsɔni, alobi na ye boye:
14 “Nasengelaki kopesa bambeka ya kimya.*+
Lelo nakokisi bilako na ngai.
15 Yango wana nayei kokutana na yo,Koluka yo, mpe namoni yo!
16 Nabongisi mbeto na ngai na babulangiti,Na lini ya langi ndenge na ndenge ya Ezipito.+
17 Natye mbeto na ngai malasi ya mire, aloe mpe kinamono.+
18 Yaká, tólangwa bolingo tii na ntɔngɔ;Mpe tósepela na bolingo elongo,
19 Mpo mobali na ngai azali na ndako te;Akei mobembo mosika.
20 Amemi saki ya mbongo,Akozonga kaka mokolo oyo sanza ebimaka mobimba.”
21 Akangi ye na motambo na ebele ya maloba na ye ya kondimisa.+
Akosi ye na maloba sukali.
22 Na mbala moko, elenge mobali yango abandi kolanda ye, lokola ngɔmbɛ oyo ekei kobomama,Lokola zoba oyo bazali komema ye na bikangeli mpo azwa etumbu,+
23 Tii likula ekotobola libale na ye;Ndenge kaka ndɛkɛ ewelaka kokɔta na motambo, ayebi te ete azali kotya bomoi na ye na likama.+
24 Mpe sikoyo, mwana* na ngai, yoká ngai;Tyá likebi na maloba na ngai.
25 Kotika te ete motema na yo elanda banzela na ye.
Koyengayenga te na babalabala na ye,+
26 Mpo baoyo alalisá bibembe bazali mingi,+Mpe baoyo abomá bazali ebele.+
27 Ndako na ye ememaka na Nkunda;*Kokende kuna ezali lokola kokende na liwa.
Maloba na nse
^ To, “mobeko.”
^ To, “maloba na ye ya kolɛngola.”
^ To, “bato ya bindimándimá.”
^ Lil., “azali na motema te.”
^ To, “Alati bilamba ya.”
^ Lil., “Makolo na ye efandaka na ndako te.”
^ Talá Ndimbola ya maloba.
^ Lil., “bana.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
