Mosakoli 1:1-18
1 Maloba ya moyanganisi,*+ mwana ya Davidi mokonzi na Yerusaleme.+
2 Moyanganisi alobi: “Mpamba ya mpamba mpenza!Mpamba ya mpamba mpenza! Eloko nyonso ezali mpamba!”+
3 Moto akozwa nini na mosala na ye nyonso ya makasiOyo asalaka awa na mabele?*+
4 Libota oyo ezali koleka, mpe libota mosusu ezali koya,Kasi mabele ezali kotikala* mpo na libela.+
5 Moi ebimaka,* mpe moi elalaka;Na nsima ezongaka nokinoki na esika na yango mpe ebimi lisusu.+
6 Mopɛpɛ ekendaka na sudi, mpe ebalukaka na nɔrdi;Ezali kobaluka mpe kobalukabaluka ntango nyonso; mopɛpɛ ezali kokoba kobaluka.
7 Mai ya mikɛli nyonso etíyolaka na mbu, kasi mbu etondaka te.+
Epai mikɛli eutaka mpo na kotíyola, kuna ezongaka mpo na kotíyola lisusu.+
8 Biloko nyonso elɛmbisaka;Moto moko te akoki ata kolobela yango.
Liso elɛmbaka kotala te,Litoi mpe elɛmbaka koyoka te.
9 Oyo ezalaki, yango nde ekozala,Mpe oyo esalemaki, ekosalema lisusu;Eloko moko ya sika ezali te na nse ya moi.+
10 Ezali nde na eloko moko oyo moto akoki koloba ete: “Talá oyo, ezali ya sika”?
Esilá kozala banda kala;Esilá kozala liboso ya ntango na biso.
11 Moto moko te akanisaka bato ya ntango ya kala;Moto moko mpe te akokanisa baoyo bakoya nsima;Bango mpe, bato oyo bakoya nsima bakokanisa bango mpe te.+
12 Ngai, moyanganisi, nazalaki mokonzi ya Yisraele na Yerusaleme.+
13 Natyaki motema na ngai mpo na koyekola mpe kotalatala na bwanya+ eloko nyonso oyo esalemá na nse ya lola,+ elingi koloba mosala ya mpasi oyo Nzambe apesá bana ya bato básala.
14 Namonaki misala nyonso oyo esalemaki na mabele,Mpe talá! eloko nyonso ezalaki mpamba mpe kolanda mopɛpɛ.+
15 Oyo etɛngami ekoki kosembolama te,Mpe oyo ezali kozanga ekoki kotángama te.
16 Bongo nalobaki na motema na ngai boye: “Talá! Nazwi bwanya mingi koleka moto nyonso oyo azalaki liboso na ngai na Yerusaleme,+ mpe motema na ngai ezwaki bwanya mingi mpe boyebi.”+
17 Nasalaki ete motema na ngai eyeba bwanya, eyeba ligboma,* mpe eyeba bozoba.+ Yango mpe ezali kaka kolanda mopɛpɛ.
18 Mpo kokóma na bwanya mingi ememaka mitungisi mingi,Yango wana moto oyo abakisaka boyebi abakisaka mpasi.+
Maloba na nse
^ To, “mosangisi.”
^ Lil., “na nse ya moi.”
^ Lil., “etɛlɛmaka.”
^ To, “engɛngaka.”
^ To, “bozoba oyo eleki ndelo.”
