Nzembo 104:1-35
104 Tiká nasanzola* Yehova.+
Ee Yehova Nzambe na ngai, ozali monene mingi.+
Olatá lokumu mpe nkembo.+
2 Pole elíngi yo+ lokola elamba;Otandi likoló lokola elamba ya hema.+
3 Azali kotya mabaya minene ya bashambrɛ na ye ya likoló na kati ya mai ya likoló,*+Azali kokómisa mapata likalo na ye,+Azali kotambola likoló ya mapapu ya mopɛpɛ.+
4 Azali kosala baanzelu na ye bilimo,Basaleli na ye mɔtɔ ya kozikisa.+
5 Atyá mabele na miboko na yango;+Ekolongwa na esika na yango* te libela na libela.+
6 Ozipaki yango na mai mozindo lokola elamba.+
Mai etɛlɛmaki likoló ya bangomba.
7 Na mpamela na yo ekimaki;+Na lokito ya nkake na yo, ekimaki na nsɔmɔ
8 —Bangomba emataki+ mpe mabwaku ekitaki—Tii na esika oyo otyá yango.
9 Otyaki ndelo oyo yango esengeli koleka te,+Mpo ezipa mabele lisusu ata moke te.
10 Atindaka maziba na kati ya mabwaku;*Ezali koleka na katikati ya bangomba.
11 Ezali kopesa mai na banyama nyonso ya zamba oyo efandaka na esobe;Bampunda ya zamba esilisaka mposa na yango ya mai.
12 Bandɛkɛ ya likoló efandaka likoló na yango;Eyembaka na bitape oyo etondi na nkasa.
13 Azali kosopela bangomba mai uta na bashambrɛ na ye ya likoló.+
Mabele etondi na mbuma ya misala na yo.+
14 Azali kokolisa matiti mpo na bangɔmbɛMpe milona mpo bato básalela yango,+Mpo na kokolisa bilei na mabele
15 Mpe vinyo oyo esepelisaka motema ya moto,+Mafuta oyo engɛngisaka elongi,Mpe limpa oyo epesaka makasi na motema ya moto, mowei mpamba.+
16 Banzete ya Yehova etondi,Basɛdrɛ ya Liban oyo ye aloná,
17 Esika bandɛkɛ etongaka bazumbu.
Ndako ya ndɛkɛ babengi nkɔngi,+ ezali na banzete ya jenevriye.
18 Bangomba ya milai ezali mpo na bantaba ya ngomba;+Mabanga ezali esika ya komibomba ya basimbiliki ya mabanga.+
19 Asalá sanza mpo na kolakisaka elembo ya bantango oyo etyamá;Moi eyebi malamu ntango elalaka.+
20 Omemaka molili, mpe butu ekómaka,+Ntango banyama nyonso oyo ezalaka na zamba etambolaka.
21 Bana-nkɔsi* ezali koganga mpo na kokanga nyama ya kolya+Mpe kosɛnga Nzambe bilei na yango.+
22 Soki moi ebimi,Elongwe mpe elali na bisika na yango ya kobombama.
23 Moto akei na mosala na ye,Mpe asali mosala makasi tii na mpokwa.
24 Ee Yehova, misala na yo ezali mpenza ebele!+
Osalá yango nyonso na bwanya.+
Mabele etondi na biloko oyo osalá.
25 Mbu ezali monene mpe efungwamá,Etondi na bikelamu ya bomoi oyo motángo na yango eyebani te, ezala ya mike to ya minene.+
26 Kuna, bamasuwa etambolaka,Mpe Leviatana,*+ oyo osalá mpo esakanaka kuna.
27 Bango nyonso bazelaka yoMpo opesa bango bilei na bango na ntango oyo ebongi.+
28 Oyo opesaka bango, balɔkɔtaka yango.+
Ntango ofungolaka lobɔkɔ na yo, batondaka na biloko ya malamu.+
29 Ntango obombi elongi na yo, babulungani.
Soki olongoli elimo na bango, bakufi mpe bazongi na putulu.+
30 Soki otindi elimo na yo, biloko nyonso ezalisamaka,+Mpe osalaka ete biloko nyonso na mabele ekóma ya sika.
31 Nkembo ya Yehova ekoumela libela na libela.
Yehova akosepela na misala na ye.+
32 Atalaka mabele, mpe elɛngaka;Asimbaka bangomba, mpe ebimisaka milinga.+
33 Nakoyembela Yehova+ bomoi na ngai mobimba;Nakoyemba mpo na kosanzola* Nzambe na ngai ntango nyonso oyo nakozala na bomoi.+
34 Tiká makanisi na ngai esepelisa* ye.
Ngai nakosepela na Yehova.
35 Basumuki bakosila na mabele,Mpe bato mabe bakozala lisusu te.+
Tiká nasanzola Yehova. Bósanzola Yah!*
Maloba na nse
^ To, “molimo na ngai esanzola.”
^ Lil., “na kati ya mai.”
^ To, “Ekotengatenga.”
^ To, “mabwaku ya mokɛli.”
^ To, “Bana-nkɔsi oyo nkingo na yango etondi na nsuki.”
^ Talá Ndimbola ya maloba.
^ To, “Nakobɛta miziki mpo na.”
^ To mbala mosusu, “Ndenge nazali komanyola makambo na ye esepelisa.”
^ To, “Aleluya!” “Yah” ezali ebengeli ya mokuse ya nkombo Yehova.
