Nzembo 111:1-10
111 Bósanzola Yah!*+
א [Alef]
Nakosanzola Yehova na motema na ngai mobimba+ב [Bet]Na liyangani ya bato ya sembo mpe na lisangá.
ג [Gimel]
2 Misala ya Yehova ezali minene,+ד [Dalet]Baoyo nyonso basepelaka na yango bayekolaka yango.+
ה [He]
3 Mosala na ye ezali ya nkembo mpe ya lokumu,ו [Waw]Mpe bosembo na ye ezali mpo na libela.+
ז [Zayin]
4 Asalaka ete bákanisa misala na ye ya kokamwa.+
ח [Het]
Yehova azali na ngɔlu mpe na motema mawa.+
ט [Tet]
5 Apesaka bilei na baoyo babangaka ye.+
י [Yod]
Akanisaka kondimana na ye mpo na libela.+
כ [Kaf]
6 Amonisá bato na ye misala na ye ya nguya,ל [Lamed]Na ndenge apesá bango libula ya bikólo.+
מ [Mem]
7 Misala ya mabɔkɔ na ye ezali solo mpe bosembo;+נ [Nun]Mitindo na ye nyonso ebongi kotyelama motema.+
ס [Samek]
8 Ebongi kotyelama motema ntango nyonso,* sikoyo mpe mpo na libela;ע [Ayin]Esalemi na solo mpe na bosembo.+
פ [Pe]
9 Apesi bato na ye lisiko.+
צ [Tsade]
Apesi mitindo mpo kondimana na ye eumela libela.
ק [Kof]
Nkombo na ye ezali mosantu mpe nsɔmɔ.+
ר [Resh]
10 Kobanga Yehova ezali ebandeli ya bwanya.+
ש [Sin]
Baoyo nyonso bazali kotosa mitindo na ye* bazalaka na mayele ya kososola.+
ת [Taw]
Lisanzoli na ye ezali mpo na libela.
Maloba na nse
^ To, “Aleluya!” “Yah” ezali ebengeli ya mokuse ya nkombo Yehova.
^ To, “Esimbami malamu.”
^ Lil., “kotosa yango.”
