Nzembo 112:1-10
112 Bósanzola Yah!*+
א [Alef]
Esengo na moto oyo azali kobanga Yehova,+ב [Bet]Oyo asepelaka mingi na mitindo na ye.+
ג [Gimel]
2 Bana na ye bakozala na nguya na mabele,ד [Dalet]Mpe libota ya bato malamu ekopambolama.+
ה [He]
3 Bomɛngo mpe bozwi ezali na ndako na ye,ו [Waw]Mpe bosembo na ye ezali mpo na libela.
ז [Zayin]
4 Mpo na bato ya sembo angɛngaka lokola pole na molili.+
ח [Het]
Azali na ngɔlu, na motema mawa+ mpe azali sembo.
ט [Tet]
5 Moto oyo adefisaka na motema mobimba,* makambo na ye etambolaka malamu.+
י [Yod]
Atambwisaka makambo na ye na bosembo.
כ [Kaf]
6 Akoningana ata moke te.+
ל [Lamed]
Bakokanisa moto ya sembo mpo na libela.+
מ [Mem]
7 Akobanga nsango ya mabe te.+
נ [Nun]
Motema na ye ezali kimya, azali kotyela Yehova motema.+
ס [Samek]
8 Motema na ye ekoki koningana te;* azali kobanga te;+ע [Ayin]Na nsuka akomona kokwea ya banguna na ye.+
פ [Pe]
9 Akabi biloko mingi;* apesi babola.+
צ [Tsade]
Bosembo na ye ezali mpo na libela.+
ק [Kof]
Makasi na ye moko* ekotombwama na nkembo.
ר [Resh]
10 Moto mabe akomona mpe akoyoka mpenza nkanda.
ש [Shin]
Akolya mino mpe akonyangwa.
ת [Taw]
Mposa ya bato mabe ekolonga te.+
Maloba na nse
^ To, “Aleluya!” “Yah” ezali ebengeli ya mokuse ya nkombo Yehova.
^ To, “na motema mawa.”
^ To, “epikami makasi.”
^ To, “na motema mobimba.”
^ Lil., “Liseke na ye.”
