Nzembo 115:1-18
115 Tobongi na eloko moko te, Ee Yehova, tobongi na eloko moko te,Kasi pesá nde nkombo na yo nkembo+Mpo na bolingo na yo ya sembo mpe boyengebene na yo.+
2 Mpo na nini bikólo eloba:
“Nzambe na bango azali wapi?”+
3 Nzambe na biso azali na likoló;Asalaka nyonso oyo alingi.
4 Bikeko na bango ezali palata mpe wolo,Esalemi na mabɔkɔ ya moto.+
5 Ezali na monɔkɔ, kasi elobaka te;+Ezali na miso, kasi emonaka te;
6 Ezali na matoi, kasi eyokaka te;Ezali na zolo, kasi eyokaka nsolo te;
7 Ezali na mabɔkɔ, kasi esimbaka eloko te;Ezali na makolo, kasi etambolaka te;+Ebimisaka ata liloba moko te na mongongo na yango.+
8 Bato oyo basalaka yango bakokóma lokola yango,+Ata mpe baoyo nyonso batyelaka yango motema.+
9 Ee Yisraele, tyelá Yehova motema;+—Azali lisalisi na bango mpe nguba na bango.+
10 Ee ndako ya Arona,+ bótyela Yehova motema;—Azali lisalisi na bango mpe nguba na bango.
11 Bino baoyo bobangaka Yehova, bótyela Yehova motema+—Azali lisalisi na bango mpe nguba na bango.+
12 Yehova akanisi biso lisusu mpe akopambola;Akopambola ndako ya Yisraele;+Akopambola ndako ya Arona.
13 Akopambola baoyo babangaka Yehova,Bato mike ná bato minene.
14 Yehova akokómisa bino ebele,Bino mpe bana na bino.*+
15 Tiká Yehova apambola bino,+Ye Mokeli ya likoló ná mabele.+
16 Likoló ezali ya Yehova,+Kasi mabele, apesá yango bana ya bato.+
17 Bakufi basanzolaka Yah te;+Ezala mpe moto nyonso oyo azali kokita na liwa.*+
18 Kasi biso, tokosanzola YahBanda sikoyo mpe mpo na libela.
Bósanzola Yah!*
Maloba na nse
^ Lil., “bana na bino ya mibali.”
^ Lil., “na esika ya kimya.”
^ To, “Aleluya!” “Yah” ezali ebengeli ya mokuse ya nkombo Yehova.
