Nzembo 146:1-10
146 Bósanzola Yah!*+
Tiká nasanzola* Yehova.+
2 Nakosanzola Yehova bomoi na ngai mobimba.
Nakoyemba mpo na kosanzola* Nzambe na ngai ntango nyonso oyo nakozala na bomoi.
3 Bótyela bankumu motema teTo mwana ya moto, mpo akoki kobikisa te.+
4 Elimo* na ye ekobima, akozonga na mabele;+Kaka na mokolo yango makanisi na ye ekufi.+
5 Esengo na moto oyo Nzambe ya Yakobo azali mosungi na ye,+Oyo elikya na ye ezali epai ya Yehova Nzambe na ye,+
6 Mokeli ya likoló ná mabele,Ya mbu, mpe ya nyonso oyo ezali na kati na yango,+Ye oyo azalaka ntango nyonso sembo,+
7 Ye oyo akataka na bosembo likambo ya bato oyo babubi bango,Ye oyo apesaka limpa na bato oyo bazali na nzala.+
Yehova azali kobimisa bakangami.*+
8 Yehova afungolaka miso ya bato oyo bakufá miso;+Yehova atombolaka bato oyo bagumbami;+Yehova alingaka bato ya sembo.
9 Yehova abatelaka bato oyo bafandi bapaya;Asalisaka mwana oyo tata akufá mpe mwasi oyo mobali akufá,+Kasi abebisaka mikano ya bato mabe.*+
10 Yehova akozala Mokonzi mpo na seko,+Nzambe na yo, Ee Siona, mpo na libota na libota.
Bósanzola Yah!*
Maloba na nse
^ To, “Aleluya!” “Yah” ezali ebengeli ya mokuse ya nkombo Yehova.
^ To, “molimo na ngai esanzola.”
^ To, “Nakobɛta miziki mpo na.”
^ To, “Mpema.”
^ Lil., “baoyo bakangi bango bansinga.”
^ To, “atɛngisaka nzela ya bato mabe.”
^ To, “Aleluya!” “Yah” ezali ebengeli ya mokuse ya nkombo Yehova.
