Nzembo 148:1-14
148 Bósanzola Yah!*
Bósanzola Yehova uta na likoló;+Bósanzola ye na bisika oyo etombwamá.
2 Bósanzola ye, baanzelu na ye nyonso.+
Bósanzola ye, limpinga na ye mobimba.+
3 Bósanzola ye, moi ná sanza.
Bósanzola ye, minzoto nyonso oyo engɛngaka.+
4 Bósanzola ye, Ee esika eleki mpenza likolóMpe mai oyo ezali na likoló.
5 Tiká básanzola nkombo ya Yehova,Mpo apesaki mitindo, mpe yango ezalisamaki.+
6 Atɛlɛmisaka yango na bisika na yango libela na libela;+Atyá mobeko oyo ekoleka te.+
7 Bósanzola Yehova uta na mabele,Bino banyama minene ya mbu mpe mai nyonso ya mozindo,
8 Bino mokalikali mpe mbula ya mabanga, nɛjɛ mpe mapata minene,Yo mopɛpɛ ya makasi, oyo ozali kokokisa liloba na ye,+
9 Bino bangomba mpe bangomba mike nyonso,+Bino banzete ya mbuma mpe bino banzete nyonso ya sɛdrɛ,+
10 Bino banyama ya zamba+ mpe bino banyama nyonso ya mboka,Bino banyama oyo ebendanaka na libumu mpe bandɛkɛ oyo ezali na mapapu,
11 Bino bakonzi ya mabele mpe bino nyonso bikólo,Bino bankumu mpe bino nyonso basambisi ya mabele,+
12 Bino bilenge mibali mpe bilenge basi,*Mibange ná bana.
13 Básanzola nkombo ya Yehova,Mpo nkombo na ye yango moko ezali likoló mpenza koleka nyonso.+
Lokumu na ye eleki mabele mpe likoló.+
14 Akotombola makasi* ya bato na ye,Mpo na lisanzoli ya bato na ye nyonso ya sembo,Ya bana ya Yisraele, bato oyo bazali pene na ye.
Bósanzola Yah!*
Maloba na nse
^ To, “Aleluya!” “Yah” ezali ebengeli ya mokuse ya nkombo Yehova.
^ Lil., “bangɔndɔ.”
^ Lil., “liseke.”
^ To, “Aleluya!” “Yah” ezali ebengeli ya mokuse ya nkombo Yehova.
