Nzembo 32:1-11
Loyembo ya Davidi. Maskile.*
32 Esengo na moto oyo balimbisi likambo na ye ya kobuka mibeko, oyo bazipi lisumu na ye.+
2 Esengo na moto oyo Yehova amoni ete azali na ngambo te,+Oyo azali na makanisi ya bokosi te.
3 Ntango nafandaki nyɛɛ, mikuwa na ngai ezalaki se kobeba mpo na kolelalela na ngai mokolo mobimba.+
4 Mpo butu moi, nkanda* na yo ezalaki kilo likoló na ngai.+
Makasi* na ngai ekauki ndenge mai ekaukaka na eleko ya molunge. (Sela)
5 Nsukansuka nayambolelaki yo lisumu na ngai;Nabombaki libunga na ngai te.+
Nalobaki ete: “Nakoyambolela Yehova makambo na ngai ya kobuka mibeko.”+
Mpe olimbisaki libunga na ngai, masumu na ngai.+ (Sela)
6 Yango wana moto nyonso ya sembo akobondela yo+Ntango oyo okoki kozwama.+
Mpe ata mpela ekozwa ye te.
7 Yo ozali esika na ngai ya kobombana;Okobatela ngai mpo mpasi ekómela ngai te.+
Okozinga ngai na bato oyo bakoganga na esengo mpo na lobiko na yo.+ (Sela)
8 “Nakopesa yo bososoli mpe nakoteya yo nzela oyo osengeli kokende.+
Nakopesa yo toli wana liso na ngai ezali kotala yo.+
9 Bómikómisa te lokola mpunda to dɔngi* oyo ezangi mayele,+Oyo esengeli kotya yango ebende ya mbanga to nsinga ya nkingoLiboso eya epai na yo.”
10 Bampasi ya moto mabe ezali mingi;Kasi moto oyo azali kotyela Yehova motema, azingami na bolingo ya sembo na Ye.+
11 Bósepela na Yehova mpe bózala na esengo, bino bato ya sembo;Bóganga na esengo, bino nyonso bato ya motema sembo.
Maloba na nse
^ Talá Ndimbola ya maloba.
^ Lil., “lobɔkɔ.”
^ To, “Mai ya bomoi.”
^ Ezali mwana ya mpunda moke ya mobali ná mpunda ya mwasi.
