Nzembo 36:1-12
Epai ya mokambi ya nzembo. Loyembo ya Davidi, mosaleli ya Yehova.
36 Likambo mabe nde etambwisaka motema ya moto mabe;Abangaka Nzambe te.+
2 Lokola na miso na ye amimonaka ete azali na ntina mingiAkoki te komona libunga na ye mpe koyina yango.+
3 Maloba ya monɔkɔ na ye eyokisaka mpasi mpe ezali na bokosi;Azali na mayele ya kososola te mpo na kosala oyo ezali malamu.
4 Ata na mbeto na ye, azali kokana kosala makambo oyo eyokisaka mpasi.
Atɛlɛmi na nzela oyo ezali malamu te;Aboyaka te oyo ezali mabe.
5 Ee Yehova, bolingo na yo ya sembo ekómi tii na likoló,+Bosembo na yo ezali tii na mapata.
6 Bosembo na yo ezali lokola bangomba milai;*+Makambo oyo olobaka ntango ozali kosambisa ezalaka lokola mai monene mpe ya mozindo.+
Ee Yehova, obatelaka* moto ná nyama.+
7 Ee Nzambe, bolingo na yo ya sembo ezali mpenza kitoko!+
Bana ya bato bazali kokima na elili ya mapapu na yo.+
8 Bamɛlaka mpe batondaka biloko kitoko oyo ezali na ndako na yo,+Mpe omɛlisaka bango mai ya mikɛli ya bisengo na yo.+
9 Mpo liziba ya bomoi ezali epai na yo;+Na pole na yo, tozali komona pole.+
10 Kobá komonisa bolingo na yo ya sembo epai ya baoyo bayebi yo,+Mpe bosembo na yo epai ya baoyo bazali na motema sembo.+
11 Kotika te ete lokolo ya moto ya lolendo enyata ngaiTo lobɔkɔ ya bato mabe ebengana ngai.
12 Kuna bato oyo basalaka mabe bakwei;Bakweisami mpe bakoki kotɛlɛma te.+
