Nzembo 48:1-14
Loyembo. Mondule ya bana ya Kora.+
48 Yehova azali monene mpe abongi kosanzolamaNa engumba ya Nzambe na biso, na ngomba na ye mosantu.
2 Ngomba Siona ezali mosika mpenza kuna na nɔrdi,Ezali kitoko mpe etombwaná, mpe ezali esengo ya mabele mobimba,+Engumba ya Mokonzi Monene.+
3 Na bandako milai na yango ya makasi,Nzambe amonisi ete azali esika makasi ya kobombana.*+
4 Mpo talá! bakonzi bayangani;*Bazali kokende liboso elongo.
5 Ntango bamonaki engumba, bakamwaki.
Babulunganaki mpe bakimaki na nsɔmɔ.
6 Kuna, kolɛnga ekangaki bango,Mpasi lokola ya mwasi oyo azali kobota.
7 Na mopɛpɛ ya ɛsti obebisaki bamasuwa ya Tarasisi.
8 Makambo oyo toyokaki, yango nde biso moko tomoniNa engumba ya Yehova ya mampinga, na engumba ya Nzambe na biso.
Nzambe akotɛlɛmisa yango makasi mpo na libela.+ (Sela)
9 Ee Nzambe, tokanisaka na mozindo bolingo na yo ya sembo,+Na kati ya tempelo na yo.
10 Ee Nzambe, lokola nkombo na yo, lisanzoli na yoEkómi tii na bansuka ya mabele.+
Lobɔkɔ na yo ya mobali etondi na bosembo.+
11 Ngomba Siona+ esepela,Bingumba ya Yuda ezala* na esengo mpo na bikateli na yo ya lisambisi.+
12 Bótambola zingazinga ya Siona; bótambola zingazinga na yango;Bótánga bandako na yango ya milai.+
13 Bótya mitema na bino na bifelo na yango ya makasi.+
Bótala malamumalamu bandako milai na yangoya makasi,Mpo bóyebisa yango na mabota oyo ekoya nsima.
14 Mpo Nzambe oyo, azali Nzambe na biso+ libela na libela.
Akokamba biso mpo na libela.*+
Maloba na nse
^ To, “esika ya kobombana oyo etombwaná.”
^ To, “bakutani ndenge bayokanaki.”
^ Lil., “Bana basi ya Yuda bázala.”
^ To mbala mosusu, “tii tokokufa.”
