Nzembo 54:1-7
-
Libondeli mpo na kosɛnga lisalisi liboso ya banguna
-
“Nzambe azali mosungi na ngai” (4)
-
Epai ya mokambi ya nzembo; eyembamaka elongo na bibɛtɛlo ya bansinga. Maskile.* Ya Davidi, ntango Bazife bakɔtaki mpe balobaki na Saulo ete: “Davidi amibombi epai na biso.”+
54 Ee Nzambe, bikisá ngai na nkombo na yo,+Mpe na nguya na yo sambá likambo na ngai.+
2 Ee Nzambe, yoká libondeli na ngai;+Tyá likebi na maloba ya monɔkɔ na ngai.
3 Mpo bapaya bazali kotɛmɛla ngai,Mpe banyokoli bazali koluka bomoi* na ngai.+
Bazali na limemya ata moke te mpo na Nzambe.*+ (Sela)
4 Talá! Nzambe azali mosungi na ngai;+Yehova azali elongo na baoyo basungaka ngai.
5 Akozongisela banguna na ngai+ mabe na bango;Na bosembo na yo, bomá bango.*+
6 Nakopesa yo mbeka+ na motema moko.
Ee Yehova, nakosanzola nkombo na yo mpo yango ezali malamu.+
7 Mpo abikisaka ngai na mpasi nyonso,+Nakomona kokwea ya banguna na ngai.+
Maloba na nse
^ Talá Ndimbola ya maloba.
^ To, “koluka molimo.”
^ To, “Batye Nzambe liboso na bango te.”
^ Lil., “kangisá bango monɔkɔ.”
