Nzembo 65:1-13
Epai ya mokambi ya nzembo. Mondule ya Davidi. Loyembo.
65 Ee Nzambe, okosanzolama na ngomba Siona;+Tokokokisa bilako na biso epai na yo.+
2 Ee Moyoki ya libondeli, bato ya lolenge nyonso* bakoya epai na yo.+
3 Mabunga na ngai esilisi ngai makasi.+Kasi ozipi misala na biso ya kobuka mibeko.+
4 Esengo na moto oyo oponi mpe obendiMpo afanda na mapango na yo.+
Tokotonda na bolamu ya ndako na yo,+Esika mosantu ya tempelo na yo.+
5 Mpo na koyanola biso, okosala misala+ ya nsɔmɔ mpe ya bosembo,Ee Nzambe ya lobiko na biso;Ye oyo bato nyonso ya mabeleMpe baoyo bazali mosika kuna na mbu bakotyela motema.+
6 Yo* opiká makasi bangomba na nguya na yo;Yo* olatá nguya.+
7 Yo* okitisaka kotomboka ya mbu,+Makɛlɛlɛ ya mbonge na yango mpe mobulu ya bato ya bikólo.+
8 Bato oyo bafandi na bisika ya mosika bakokamwa mpo na bilembo na yo;+Okosala ete bato oyo bafandi kobanda esika moi ebimaka tii esika yango elalaka báganga na esengo.
9 Ozali kobatela mabele,Osali ete ebota mingi* mpe etonda mpenza na biloko.+
Otondisi mikɛli na mai;Opesi bato mbuma,+Mpo ndenge wana nde obongisaki mabele.
10 Ozali kopɔlisa banzela ya mikala mpe kolalisa mabele na yango oyo babalusá;Ozali kolɛmbisa yango na mbula monene; ozali kopambola milona na yango ya sika.+
11 Obakisi mapamboli kitoko na mobu oyo, lokola nde olatisi yango motole;Banzela oyo ozali kotambola etondi na biloko ya kitoko.*+
12 Bisika ya koleisa bibwɛlɛ matiti na esobe ezali kaka kotonda,*+Mpe bangomba mike elati esengo.+
13 Bisika ya koleisa bibwɛlɛ matiti etondi na bitonga,Mpe mabwaku ezipami na mbuma.+
Ezali koganga mpo na bolongi, ɛɛ, ezali koyemba.+
Maloba na nse
^ Lil., “mosuni nyonso.”
^ Lil., “Ye.”
^ Lil., “Ye.”
^ Lil., “Ye.”
^ Lil., “Osali ete ebota koleka ndelo.”
^ Lil., “Banzela na yo ezali kotangisa mafuta.”
^ Lil., “kotanga.”
