Nzembo 83:1-18
Loyembo. Mondule ya Asafe.+
83 Ee Nzambe, kofanda nyɛɛ te;+Kokanga monɔkɔ te* mpe kofanda kimya te, Ee Nzambe.
2 Mpo talá! banguna na yo bazali na yikiyiki;+Baoyo bazali koyina yo basali makambo na lofundo mpenza.*
3 Na mayele mabe, bazali kosalela bato na yo likita na kobombana;Bazali kosala likita mpo na bato oyo ozwaka na motuya.*
4 Balobi ete: “Bóya, tóboma ekólo ya Yisraele,+Mpo bato bábosana yango mpo na libela.”
5 Mpo bango nyonso elongo bapesani toli na motema moko;Bayokani mpo na kotɛmɛla yo:+
6 Bahema ya Edome mpe Bayishimaele, Moabe+ ná Bahagri,+
7 Gebale, Amone+ ná Amaleke,Filistia+ ná baoyo bafandi na Tire.+
8 Asiri+ mpe esangani na bango;Bango nyonso bazali kosalisa* bana ya Lota.+ (Sela)
9 Salá bango ndenge osalaki Midiane,+Ndenge osalaki Sisera mpe Yabine na mokɛli* ya Kishone.+
10 Basilaki nyɛɛ na Ene-dore;+Bakómaki nyɛi na mabele.
11 Kómisá bato na bango ya lokumu lokola Orebe mpe Zeebe,+Mpe bankumu* na bango lokola Zeba mpe Zalamuna,+
12 Mpo balobi ete: “Tózwa mokili esika Nzambe afandaka ekóma ya biso.”
13 Ee Nzambe na ngai, kómisá bango lokola matiti ya nsende oyo mopɛpɛ ezali kobalusabalusa,+Lokola matiti ya blé na mopɛpɛ.
14 Lokola mɔtɔ oyo ezali kozikisa zambaLokola lolemo ya mɔtɔ oyo ezali kozikisa bangomba,+
15 Landá bango na mopɛpɛ makasi na yo+Mpe bangisá bango na mopɛpɛ makasi na yo.+
16 Zipá* bilongi na bango na nsɔni,Mpo báluka nkombo na yo, Ee Yehova.
17 Báyoka nsɔni mpe bábanga mpo na libela;Básambwa mpe bákufa;
18 Báyeba ete yo, oyo nkombo na yo ezali Yehova,+Yo moko nde Oyo-Aleki-Likoló na mabele mobimba.+
Maloba na nse
^ To, “Kozanga liloba ya koloba te.”
^ To, “bazali kotombola mitó na bango.”
^ Lil., “yo obombi.”
^ Lil., “bakómi lobɔkɔ mpo na.”
^ To, “wadi.” Talá Ndimbola ya maloba.
^ To, “bakonzi.”
^ Lil., “Tondisá.”
