Nzembo 99:1-9
99 Yehova akómi Mokonzi.+ Bato ya bikólo bálɛnga.
Afandi na kiti ya bokonzi likoló* ya bakeruba.+ Mabele eningana.
2 Yehova azali monene na Siona,Mpe azali likoló koleka bato ya bikólo nyonso.+
3 Básanzola nkombo na yo monene,+Mpo ezali nsɔmɔ mpe ezali mosantu.
4 Azali mokonzi ya nguya oyo alingaka bosembo.+
Opiká makasi oyo ezali sembo.
Omemá bosembo mpe boyengebene+ na Yakobo.
5 Bókumisa Yehova Nzambe na biso+ mpe bógumbama* liboso ya ebonga ya makolo na ye;+Azali mosantu.+
6 Moize ná Arona bazalaki na kati ya banganga-nzambe na ye,+Mpe Samwele azalaki na kati ya baoyo bazalaki kobelela nkombo na ye.+
Bazalaki kobelela Yehova,Mpe azalaki koyanola bango.+
7 Azalaki koloba na bango na kati ya likonzí ya lipata.+
Babatelaki makundoli na ye mpe mobeko oyo apesaki bango.+
8 Ee Yehova Nzambe na biso, oyanolaki bango.+
Ozalaki mpo na bango Nzambe moko oyo alimbisaka,+Kasi opesaki bango etumbu* mpo na mabe na bango.+
9 Bókumisa Yehova Nzambe na biso+Mpe bógumbama* na ngomba na ye mosantu,+Mpo Yehova Nzambe na biso azali mosantu.+
Maloba na nse
^ To mbala mosusu, “na katikati.”
^ To, “bósambela.”
^ Lil., “ozongisaki mabe.”
^ To, “bósambela.”
