Yirimia 10:1-25
10 Bóyoka liloba oyo Yehova alobi mpo na bino, Ee bato ya libota ya Yisraele.
2 Talá oyo Yehova alobi:
“Bólanda mimeseno ya bikólo te,+Mpe bózala na nsɔmɔ te mpo na bilembo ya likolóMpamba te bato ya bikólo bazali na nsɔmɔ mpo na yango.+
3 Mpo mimeseno ya bato ya bikólo ezali kaka ndɔtɔ mpamba.
Ezali kaka nzete oyo moto akati na zamba,Moto ya misala ya mabɔkɔ asali yango na mabɔkɔ na ye na nzela ya esaleli na ye.*+
4 Bakómisaka yango kitoko na palata mpe na wolo+Bakangaka yango makasi na bansɛtɛ mpe na bamarto, mpo ata moko te ekwea.+
5 Lokola dɔngɔlɔmiso* na elanga ya kɔkɔmbrɛ, ekoki koloba te;+Esengeli bámema yango, mpo ekoki kotambola te.+
Bóbanga yango te, ekoki kosala mabe te,Ekoki mpe kosala likambo moko ya malamu te.”+
6 Ee Yehova, moto moko te azali lokola yo.+
Ozali monene, mpe nkombo na yo ezali monene mpe na nguya.
7 Nani akobanga yo te, Ee Mokonzi ya bikólo,+ mpo yango ebongi na yo;Mpo na bato nyonso ya bwanya na bikólo mpe na makonzi na bango nyonso,Moto moko te akokani na yo.+
8 Bango nyonso bazangi mayele, mpe bazali bazoba.+
Koteyama na nzete ezali mpenza ndɔtɔ mpamba.+
9 Bazali komema longwa na Tarasisi palata oyo babɛtibɛti tii ekómi bitando ya papala,+ mpe wolo longwa na Ufaze,Mosala ya moto oyo ayebi malamu misala ya mabɔkɔ mpe esalemi na mabɔkɔ ya mosali bibende.
Bilamba na bango ezali nsinga ya bulé mpe lɛnɛ ya mwa motane-bulé.
Yango nyonso esalemi na bato oyo bayebi mosala malamu.
10 Kasi Yehova azali mpenza Nzambe ya solo.
Azali Nzambe ya bomoi+ mpe Mokonzi ya seko.+
Mpo na nkanda na ye mabele ekoningana,+Mpe bato ya bikólo bakokoka makaneli na ye te.
11 * Talá oyo bosengeli koloba na bango:
“Banzambe oyo basalaki likoló mpe mabele te,Bakolongolama na mabele mpe na nse ya lola oyo.”+
12 Azali Moto oyo asalaki mabele na nguya na ye,Moto oyo atɛlɛmisaki mabele oyo ebotaka na bwanya na ye+Mpe Oyo atandaki likoló na mayele na ye.+
13 Soki ayokisi mongongo na ye,Mai oyo ezali na likoló ekómaka na yikiyiki,+Asalaka ete mapata* emata uta na nsuka nyonso ya mabele.+
Atindaka mokalikali nzela moko na mbula,*Abimisaka mopɛpɛ na bandako na ye ya kobomba biloko.+
14 Moto nyonso asalaka makambo na bozoba mpe na kozanga mayele.
Mosali bibende nyonso akoyokisama nsɔni mpo na ekeko;*+Mpo ekeko na ye ya ebende* ezali lokuta,Mpe elimo* ezali te kati na yango.+
15 Yango ezali ndɔtɔ mpamba, mosala ya kosɛka.+
Na ntango oyo Nzambe akopesa yango etumbu ekobebisama.
16 Likabo ya Yakobo ezali te lokola biloko wana,Mpo ye azali Moto oyo asalaki eloko nyonso,Mpe Yisraele ezali lingenda ya libula na ye.+
Yehova ya mampinga nde nkombo na ye.+
17 Lɔkɔtá bisaka na yo oyo ezali na mabele,Ee yo mwasi oyo ozingami.
18 Mpo talá oyo Yehova alobi:
“Na mbala oyo nazali kobwaka* libándá bato oyo bafandi na mokili,+Mpe nakoyokisa bango mpasi.”
19 Mawa na ngai mpo na bampota na ngai!+
Mpota na ngai ekoki kosila te.
Mpe nalobi ete: “Oyo ezali mpenza maladi na ngai, mpe nasengeli kokangela yango motema.
20 Hema na ngai ebebisami, mpe bansinga ya hema na ngai nyonso ekatani.+
Bana na ngai batiki ngai, mpe bazali lisusu te.+
Moto azali te mpo na kotanda hema na ngai to kotombola bilamba ya hema na ngai.
21 Mpo babateli ya mpate basali makambo na bozoba mpenza,+Mpe batuni Yehova te.+
Yango wana basali te makambo na mayele ya kososola,Mpe banyama na bango nyonso epalangani.”+
22 Yoká! Nsango moko ezali koya!
Kotutatuta monene oyo euti na mokili ya nɔrdi,+Mpo na kokómisa bingumba ya Yuda esika oyo etikali mpamba,
Esika bambwa ya zamba* efandaka.+
23 Ee Yehova, nayebi malamu ete moto akoki te komitambwisa ye moko.
Ezali te likambo ya moto oyo azali kotambola ete atambwisa makolo na ye.+
24 Ee Yehova, sembolá ngai na kolanda bosembo na yo,Kasi na nkanda na yo te,+ noki oboma ngai.+
25 Sopelá bikólo oyo eyebi yo te nkanda makasi na yo+Mpe na mabota oyo ebeleli nkombo na yo te.
Mpo balei Yakobo,+Balei ye, tii basilisi ye mpenza,+Mpe batiki esika na ye ya kofanda mpamba.+
Maloba na nse
^ To, “likwangola na ye ya mokuse.”
^ Ekeko ya moto oyo batyaka na elanga mpo na kokimisa bandɛkɛ.
^ Vɛrsɛ 11 ekomamaki libosoliboso na monɔkɔ ya Aramɛyɛ.
^ To mbala mosusu, “asalelá kutu mbula baporte.”
^ To, “mbɔngi ya mai.”
^ To, “ekeko oyo eyemami.”
^ To, “ekeko na ye ya ebende oyo enyangwisami.”
^ To, “mpema.”
^ To, “kobwaka lansi; bilingongo.” Talá Ndimbola ya maloba.
^ To, “bambulú.”
